డైలీ భారత్, రాజన్న సిరిసిల్ల: ప్రముఖ సైకాలజిస్ట్ పున్నంచందర్ కనుకుంట్ల "బెస్ట్ సైకాలజిస్ట్ అవార్డ్ – 2025" ను ఈరోజు హైదరాబాద్ లోని బిర్లా ఆడిటోరియంలో జరిగిన కార్యక్రమంలో మాజీ కేంద్ర మంత్రి మరియు మహిళా కమీషన్ ఛైర్ పర్సన్ త్రిపురాణ వెంకటరత్నం చేతుల మీదుగా అందుకున్నారు. మానసిక ఆరోగ్యంపై అంకితభావంతో పని చేస్తూ, అనేక మంది వ్యక్తులకు జీవిత మార్గదర్శకత్వం మరియు ఆత్మహత్యల నివారణకు కృషి చేసినందుకు గాను ఈ పురస్కారం ప్రదానం చేయబడింది.

ఈ అవార్డు ప్రముఖ సంస్థ తెలంగాణ సైకాలజిస్ట్ అసోసియేషన్ వారు వార్షికంగా దేశవ్యాప్తంగా విశిష్ట సేవలందించిన మానసిక నిపుణులకు అందించే ప్రతిష్ఠాత్మక పురస్కారం అని తెలంగాణ సైకాలజిస్ట్ అసోసియేషన్ రాష్ట్ర అధ్యక్షుడు డాక్టర్ మొతుకూరి  రామ్ చందర్ తెలిపారు.

సైకాలజిస్ట్ పున్నంచందర్ గత పదిహేను ఏండ్లుగా పలు మానసిక సమస్యల పరిష్కారానికి నూతన పద్ధతులను వినియోగిస్తూ, వ్యక్తిగత కౌన్సిలింగ్, వర్క్‌షాపులు మరియు అవగాహన కార్యక్రమాల ద్వారా అనేకమందికి స్ఫూర్తిగా నిలిచారు అని తెలిపారు.

ఈ సందర్భంలో సైకాలజిస్ట్ పున్నంచందర్ మాట్లాడుతూ, "ఈ అవార్డు నాకు ఎంతో గొప్ప గౌరవం మరియు మరింత బాధ్యతను పెంచిందని అన్నారు. మానసిక ఆరోగ్యంపై సమాజంలో అవగాహన పెంచడానికి నా సేవలు కొనసాగిస్తాను" అని తెలిపారు.

ఈ కార్యక్రమంలో తెలంగాణ సైకాలజిస్ట్ అసోసియేషన్ అధ్యక్షులు డాక్టర్ మోత్కూరు రామచందర్, సైకాలజిస్టులు పాల్గొన్నారు.

పున్నంచందర్ కు అవార్డ్ రావడం పట్ల సైకాలజిస్ట్ లు వై.ఆంజనేయులు, ఏ.ఈశ్వర్, శ్రీనివాస్, అయ్యప్ప రాము, తిరుమల పలువురు అభినందించారు.