డైలీ భారత్, సిరిసిల్ల:జిల్లా పరిషత్ బాలికల ఉన్నత పాఠశాల, సిరిసిల్లకు చెందిన 10 వ తరగతి విద్యార్థిని సుధగొని లహరి SGF (School Games Federation) ఆధ్వర్యంలో జరగనున్న రాష్ట్ర స్థాయి కబడ్డీ పోటీలకు ఎంపికయ్యింది.
ఈ పోటీలు ఖమ్మం జిల్లా పినపాక మండలం ఎద్దుల్ల బయ్యారం లోని జిల్లా పరిషత్ ఉన్నత పాఠశాలలో నవంబర్ 8 నుండి 10 వరకు మూడు రోజులపాటు జరగనున్నాయి.
ఈ సందర్భంగా విద్యార్థిని లహరి ఈరోజు రాష్ట్ర స్థాయి పోటీల కోసం బయలుదేరి వెళ్లింది. ప్రధానోపాధ్యాయులు శారదా మేడం, క్లాస్ టీచర్ శ్రీనివాస్, వ్యాయామ ఉపాధ్యాయుడు తడుకల సురేష్ మరియు ఇతర ఉపాధ్యాయులు ఆమెకు శుభాకాంక్షలు తెలుపుతూ అభినందించారు.
