డైలీ భారత్ న్యూస్, నిజామాబాద్: మంగళవారం నిజామబాద్ పోలీస్ కమిషనర్ పి. సాయి చైతన్య వెల్ నెస్ హాస్పిటల్స్ ఆధ్వర్యంలో 100 హెల్మెట్లను వెల్ నెస్ హాస్పిటల్ సిబ్బందికి , పోలీసు సిబ్బంది వాహనదారులకు ఉచితంగా అందజేశారు. ఆయన మాట్లాడుతూ ద్విచక్ర వాహనదారులు హెల్మెట్ ధరించి తమ వాహనాలను నడపాలని పేర్కొన్నారు. అదేవిధంగా ద్విచక్ర వాహనదారులు ప్రమాదానికి గురి అయినప్పుడు ముఖ్యంగా హెల్మెట్ లేనందున తలకు బలమైన గాయాలై మృతి చెందుతున్నారని అందువలన ద్విచక్ర వాహన దారులు అనుకొని ప్రమాదానికి గురైనప్పుడు తమ ప్రాణాలను రక్షించుకోవడానికి అలాగే వారి కుటుంబ సభ్యులను దృష్టిలో పెట్టుకొని తప్పనిసరిగా హెల్మెట్ ధరించిన తర్వాతనే ద్విచక్ర వాహనదారులు తమ వాహనాలను నడపాలని సూచించారు.
కార్యక్రమంలో వెల్ నెస్ హాస్పిటల్ యాజమాన్యం తాళ్ల సుమన్ గౌడ్ మరియు బొదు అశోక్ లు వెల్నెస్ హాస్పిటల్స్ యజమాలతో పాటు ట్రాఫిక్ ఏసిపి మస్తాన్ అలీ, ఇన్స్పెక్టర్ ప్రసాద్, ఆర్ఐ వినోద్, ఎస్ఐ వంశీకృష్ణ మరియు సిబ్బంది పాల్గొన్నారు.
