సిరిసిల్ల టౌన్ ఇన్‌స్పెక్టర్ శ్రీనివాస్.
డైలీ భారత్, రాజన్న సిరిసిల్ల: సిరిసిల్ల పట్టణానికి చెందిన గొడుగు అరుణ్ చంద్ అనే వ్యక్తి మంగళవారం సాయంత్రం పట్టణ కేంద్రంలోని బాలాజీ స్వీట్ హౌస్‌లో మిక్చర్ ప్యాకెట్ కొనుగోలు చేసి ఇంటికి వెళ్లి తెరిచి చూడగా అందులో చనిపోయిన బల్లి కనిపించిందని, ఈ విషయంపై వివరణ కోరేందుకు తిరిగి దుకాణానికి వెళ్లగా నిర్వాహకులు తనతో అనుచితంగా ప్రవర్తించి, బెదిరింపులకు పాల్పడ్డారని ఆరోపిస్తూ సిరిసిల్ల టౌన్ పోలీస్ స్టేషన్‌లో ఫిర్యాదు చేశారు. ఈ ఫిర్యాదుపై సిరిసిల్ల టౌన్ ఇన్‌స్పెక్టర్ శ్రీనివాస్ బాలాజీ స్వీట్ హౌస్‌ను తనిఖీ చేసి, ప్రాథమిక విచారణ అనంతరం బాలాజీ స్వీట్ హౌస్ యజమానిపై కేసు నమోదు చేసినట్లు తెలిపారు. ప్రజల ఆరోగ్యానికి హాని కలిగించే విధంగా ఆహార భద్రతా నిబంధనలను ఉల్లంఘించిన వారిపై కఠిన చట్టపరమైన చర్యలు తీసుకుంటామని ఈ సందర్భంగా టౌన్ ఇన్‌స్పెక్టర్ శ్రీనివాస్ హెచ్చరించారు. ఈ తనిఖీ లో ఎస్.ఐ గణేష్, సిబ్బంది పాల్గొన్నారు.
