Posted on 2026-04-18 17:30:19
పార్లమెంట్ ఎపిసోడ్ చుట్టూ రాజకీయాల వేడి
డైలీ భారత్, న్యూఢిల్లీ / ఇంటర్నెట్ డెస్క్: దేశ రాజకీయాల్లో మరోసారి వ్యూహాత్మక చర్చకు దారి తీసిన పార్లమెంట్ పరిణామాలు… 2029 సాధారణ ఎన్నికలపై ప్రభావం చూపేలా మారాయా? అధికార, ప్రతిపక్షాల మధ్య మాటల యుద్ధం నడుమ తాజా బిల్లుల వ్యవహారం రాజకీయ వర్గాల్లో ఆసక్తికర చర్చకు దారి తీసింది
ప్రధాన మంత్రి నరేంద్ర మోడీ కేంద్ర హోంమంత్రి అమిత్ షా నేతృత్వంలో బీజేపీ తీసుకున్న నిర్ణయాలపై రాజకీయ విశ్లేషకులు భిన్నాభిప్రాయాలు వ్యక్తం చేస్తున్నారు. మహిళలకు 33% రిజర్వేషన్, డీలిమిటేషన్ అంశాలపై ప్రత్యేక సమావేశం ఏర్పాటు చేయడం వెనుక దీర్ఘకాలిక వ్యూహం ఉందా అన్న చర్చ సాగుతోంది.
లోక్సభలో మూడింట రెండొంతుల మెజారిటీ సాధించడంలో విఫలమైన బిల్లులు… అధికారపక్షానికి నష్టమా, లాభమా అన్నది కీలక ప్రశ్నగా మారింది. ఒకవైపు ప్రతిపక్షాలు దీనిని తమ విజయంగా భావిస్తూ సంబరాలు జరుపుకుంటే… మరోవైపు అధికార పార్టీ నేతలు మాత్రం ప్రశాంతంగా కనిపించడం గమనార్హం.
కాంగ్రెస్ నేత రాహుల్ గాంధీ ప్రతిపక్షాలు బిల్లులపై పలు అభ్యంతరాలు వ్యక్తం చేశాయి.
డీలిమిటేషన్ వల్ల రాష్ట్రాల మధ్య అసమానతలు పెరుగుతాయని
మహిళా రిజర్వేషన్ అమలుపై స్పష్టత లేదని అవి వాదిస్తున్నాయి.
రాజకీయ విశ్లేషకుల అభిప్రాయం ప్రకారం:
బిల్లులు ఆమోదం పొందితే సంస్కరణల క్రెడిట్ అధికార పార్టీకి దక్కేది
విఫలమైతే ప్రతిపక్షాలపై బాధ్యత మోపే అవకాశం ఉంటుంది
ఈ పరిస్థితి భవిష్యత్ ఎన్నికల ప్రచారంలో ప్రధాన అంశంగా మారే అవకాశముందని చెబుతున్నారు.
దేశంలో మహిళా ఓటర్ల ప్రభావం పెరుగుతున్న నేపథ్యంలో, ఈ అంశం కీలకంగా మారింది. మహిళా సాధికారత, ప్రాతినిధ్యం వంటి విషయాలు ఎన్నికల అజెండాలో ప్రధానంగా నిలిచే అవకాశం ఉంది.
ప్రస్తుత పరిణామాలు కేవలం తాత్కాలిక రాజకీయ ఘట్టమా, లేక భవిష్యత్ ఎన్నికల వ్యూహానికి బాటవేసే ప్రయత్నమా అన్నది రానున్న రోజుల్లో స్పష్టమవుతుంది.
పార్లమెంట్లో జరిగిన ఈ పరిణామాలు దేశ రాజకీయాల్లో కొత్త చర్చకు నాంది పలికాయి. వ్యూహాలు, ప్రతివ్యూహాల మధ్య చివరికి నిర్ణయం ఓటర్లదే అన్నది రాజకీయ వర్గాల అభిప్రాయం.
బస్టాండ్ ఏర్పాటు చేయాలనీ మంత్రి పొన్నంను కలిసిన కాంగ్రెస్ నేతలు
Posted On 2026-05-12 16:37:06
Readmore >
బీటెక్ విద్యార్థి "యవన్" దారుణ హత్య కేసును ఛేదించిన చిలకలగూడ పోలీసులు : 10 మంది నిందితుల అరెస్ట్
Posted On 2026-05-12 06:24:26
Readmore >
నకిలీ నంబర్ ప్లేట్ వినియోగించిన వ్యక్తిపై క్రిమినల్ కేసు నమోదు
Posted On 2026-05-11 21:02:02
Readmore >
మతసామరస్యాన్ని కాపాడేలా పండుగల నిర్వహణ చేపట్టాలి : డిఎస్పీ నాగేంద్రచారి
Posted On 2026-05-11 20:42:59
Readmore >