దత్తాత్రేయుని ఆలయాల్లో పోటెత్తిన భక్తులు పోటెత్తిన భక్తులు

జిల్లా కేంద్రంలోని సద్గురు దామము సేవ ట్రస్ట్ ఆధ్వర్యంలో ఆధ్యాత్మిక వేడుకలు

డైలీ భారత్ న్యూస్, నిజామాబాద్: దత్తాత్రేయునికి ఎంతో ప్రీతికరమైన నామస్మరణం దిగంబరా దిగంబరా శ్రీపాద వల్లభ దిగంబరా అనే శ్లోకంతో దత్త పౌర్ణమి సందర్భంగా జిల్లా వ్యాప్తంగా దత్తాత్రేయుని జన్మదిన వేడుకలు అంబరాన్ని అంటాయి. జిల్లా కేంద్రంలోని వినాయక్ నగర్ లో 100 ఫీట్ రోడ్లో గల శ్రీ సద్గురు దామం సేవ ట్రస్ట్ ఆధ్వర్యంలో నిర్వహించిన దత్త జయంతి వేడుకలు ఘనంగా జరిగాయి. ఆలయ వ్యవస్థాపక అధ్యక్షుడు ఇప్పకాయల హరిదాస్ స్వామీ ఆధ్వర్యంలో తెల్లవారుజామున నుండి ఉత్సవాలు జరిగాయి. అలాగే ఆలయ ప్రాంగణంలో సామూహిక యజ్ఞ హోమం కార్యక్రమాలు, శ్రీ అనఘా దత్తాత్రేయునికి తెల్లవారుజామున నుండి ప్రత్యేక అభిషేక అర్చన కార్యక్రమాలు ఆలయ ట్రస్ట్ కమిటీ నిర్వాహకులు నిర్వహించారు. దత్త జయంతి రోజున దత్తాత్రేయుని స్వయంగా పూజిస్తే పూజా కార్యక్రమాల్లో పాల్గొంటే కోరిన కోరికలు తీరుతాయని ప్రగాఢ నమ్మకాలు ప్రజల్లో ఉన్నాయి. అందుకే గురువారం దత్త జయంతి దత్త పౌర్ణమి కావడంతో వేలాది సంఖ్యలో భక్తులు తరలివచ్చారు. అలాగే దత్తాత్రేయ స్వామి వారికి దూలారహోనంతో పాటు వివిధ పూజ కార్యక్రమాలు నిర్వహించారు. ఈ కార్యక్రమంలో పాల్గొన్న అర్బన్ ఎమ్మెల్యే ధన్పాల్ సూర్యనారాయణ గుప్త హాజరై ప్రత్యేక పూజలు నిర్వహించడంతోపాటు డోలారోహణం కార్యక్రమంలో పాల్గొన్నారు. అనంతరం ట్రస్టు సభ్యులు ఎమ్మెల్యేకు సన్మానించారు. అనంతరం భారీ సంఖ్యలో పెద్ద ఎత్తున అన్నదాన కార్యక్రమం నిర్వహించారు.