డైలీ భారత్, వేములవాడ:సమాజాన్ని చైతన్యవంతం చేసే బాధ్యతను స్వచ్ఛంద సంస్థలు తీసుకోవాలని ప్రభుత్వ విప్ వేములవాడ ఎమ్మెల్యే ఆది శ్రీనివాస్ అన్నారు.
హెల్పింగ్ హార్ట్స్ వెల్ఫేర్ సొసైటీ స్వచ్ఛంద సంస్థ ఆధ్వర్యంలో రూపొందించిన బ్రోచర్ ను తన క్యాంపు ఆఫీస్ లో ఆవిష్కరించి మాట్లాడినారు.
10 సంవత్సరాల సుధీర్ఘ ప్రయాణంలో ఎన్నో జీవితాల్లో స్వచ్ఛందంగా వెలుగులు నింపడం అభినందనీయం అని అన్నారు. హెల్పింగ్ హార్ట్స్ తమ సేవలను ఇలాగే కొనసాగించాలని ఆకాంక్షించారు.
ప్రభుత్వం తరుపున సంపూర్ణ మద్దతు ఉంటుందని తెలిపారు.
ఈ కార్యక్రమంలో ప్రముఖ సైకాలజిస్ట్ కె. పున్నం చందర్, హెల్పింగ్ హార్ట్స్ అధ్యక్షుడు అలువాల ఈశ్వర్, ప్రధాన కార్యదర్శి అడ్వకేట్ దాసరి తిరుమల, మాజీ కౌన్సిలర్ కుడిక్యాల రవికుమార్, చిలుక రమేష్ పాల్గొన్నారు.
