1 వ డివిజన్ కార్పొరేటర్ అభ్యర్థి భోజన్న
డైలీ భారత్ న్యూస్, నిజామాబాద్: నిజామాబాద్ మున్సిపల్ కార్పొరేషన్ నామినేషన్ ప్రక్రియలో భాగంగా చివరి రోజు మూడో డివిజన్ పరిధిలోని గూపన్ పల్లి నామినేషన్ కేంద్రంలో శుక్రవారం 1 వ డివిజన్ కాంగ్రెస్ పార్టీ అభ్యర్థి భోజన్న నామినేషన్ దాఖలు వేశారు. నామినేషన్ దాఖలు వేసిన అనంతరం ఆయన మాట్లాడుతూ రూరల్ ఎమ్మెల్యే భూపతిరెడ్డి ఆదేశాలు మేరకు నామినేషన్ దాఖలు వేయడం జరిగిందని ఆయన అన్నారు. అలాగే ఖానాపూర్, కాలూరు తమ డివిజన్ ప్రజలకు ఎల్లప్పుడూ రుణపడి ఉంటానని ఆయన అన్నారు. తనను గెలిపిస్తే తమ డివిజన్ అభివృద్ధి ధ్యేయంగా ప్రతి ఒక్కరికి ఇల్లు ఉంటే కరెంటు స్తంభం, దాంతోపాటు విశాలమైన డ్రైనేజీ వ్యవస్థను ఏర్పాటు చేస్తానని ఆయన అన్నారు అలాగే ఎల్లప్పుడూ ప్రజల కష్టాలను తెలుసుకుంటూ నిర్విరామంగా వారి కష్టాలను తీర్చే విధంగా రూరల్ ఎమ్మెల్యే భూపతిరెడ్డి నుండి ప్రత్యేక నిధులు తేవడంతో పాటు కాంగ్రెస్ అధిష్టానం నుండి కూడా తమ డివిజన్ అభివృద్ధి కొరకు ప్రత్యేక తీసుకొచ్చే విధంగా కృషి చేస్తానని ఆయన హామీ ఇచ్చారు. కావున ఒకటో నెంబర్ డివిజన్ వాసులు ఈ మున్సిపల్ ఎన్నికల్లో తనను దీవించి గెలిపించాలని ఆయన కోరారు. ఇదిలా ఉండగా నామినేషన్ వేసిన వెంటనే నామినేషన్ కేంద్రం నుండి కాలూరు ఖానాపూర్ వరకు బైక్ ర్యాలీ గుండా తన అనుచరులు కార్యకర్తలతో బయలుదేరి వెళ్లారు.
