1వ డివిజన్ నుండి స్వతంత్ర అభ్యర్థిగా కోర్వ రాజేంద్రప్రసాద్ నామినేషన్ దాఖలు

డైలీ భారత్ న్యూస్, నిజామాబాద్: నామినేషన్ల ప్రక్రియ చివరి రోజు కావడంతో మూడో డివిజన్ పరిధిలోని గూపన్ పల్లి లోని ఏర్పాటుచేసిన ఒకటి రెండు మూడు డివిజన్ లకు సంబంధించిన నామినేషన్ పత్రాల స్వీకరణకు మూడు డివిజన్లో నుండి అభ్యర్థులు పెద్ద సంఖ్యలో వచ్చారు. ఇందులో భాగంగా ఒకటవ డివిజన్ నుండి కాంగ్రెస్ పార్టీ నాయకుడు కోర్వ రాజేంద్రప్రసాద్ శుక్రవారం స్వతంత్ర అభ్యర్థిగా నామినేషన్ దాఖలు చేశారు. ఈ సందర్భంగా ఆయన మాట్లాడుతూ గురువారం రోజున తాను కాంగ్రెస్ పార్టీ నుండి నామినేషన్ వేయడం జరిగిందని, ఈరోజు స్వతంత్ర అభ్యర్థిగా నామినేషన్ వేశానని ఆయన అన్నారు. ప్రజల ఆశీర్వాదంతో తాను ఈ మున్సిపల్ ఎన్నికల్లో తప్పకుండా గెలుస్తానని ఆయన ఆశాభావం వ్యక్తం చేశారు. అలాగే కాంగ్రెస్ పార్టీ తనకు తాను చేసిన సేవలను గుర్తించి తనకే బి ఫారం సర్టిఫికెట్ ఇస్తుందనే నమ్మకం ఉందన్నారు.