సిరిసిల్ల లోని పలు ప్రాంతాలలో సుమారు 30 మందికి పైగా మనుషులపై వీధి కుక్కల దాడి

డైలీ భారత్, రాజన్న సిరిసిల్ల: సిరిసిల్ల పట్టణంలోని పలు ప్రాంతాలలో సుమారు 30 మందికి పైగా మనుషులపై వీధి కుక్కల దాడి చేసి గాయపరిచిన సంఘటన చోటుచేసుకుంది. స్థానికులు తెలిపిన వివరాల ప్రకారం పట్టణంలోని గణేష్ నగర్, మార్కండేయ నగర్, నెహ్రూ నగర్ ,కొత్త బస్టాండ్ ప్రాంతాలలో వీధి కుక్కలు చిన్న,పెద్ద అనే తేడా లేకుండా వీధిలో ఉన్న వారందరినీ కరిచి తీవ్ర గాయాలకు గురిచేశాయి. పట్టణంలోని పలు ప్రాంతాలలో ఒకేసారి వీధి కుక్కలు ఇలా దాడి చేయడంతో ఒక్కసారిగా పట్టణ ప్రజలు భయాందోళనలకు గురయ్యారు. గాయపడిన వారందరినీ జిల్లా ప్రభుత్వ ఆసుపత్రికి తరలించి వైద్య చికిత్సలు అందిస్తున్నారు.