సంతోషిమాత జన్మదినం సందర్భంగా హాజరైన అర్బన్ ఎమ్మెల్యే ధన్ పాల్

డైలీ భారత్ న్యూస్, నిజామాబాద్: జిల్లా కేంద్రంలోని రైల్వే క్వార్టర్స్ లోని అతి ప్రాచీనమైన మహాశక్తి హనుమాన్ ఆలయంలో శనివారం సంతోషిమాత అమ్మవారి జన్మదినం సందర్భంగా ప్రత్యేక పూజా కార్యక్రమాలు ఆలయ కమిటీ చైర్మన్ గోపాల్ అగర్వాల్ ఆధ్వర్యంలో ఇతర కమిటీ సభ్యుల ఆధ్వర్యంలో ఘనంగా నిర్వహించారు. కార్యక్రమానికి ముఖ్యఅతిథిఅర్బన్ ఎమ్మెల్యే దన్పాల్ సూర్యనారాయణ గుప్త ముఖ్యఅతిథిగా హాజరై ప్రత్యేక పూజ అభిషేక అర్చన కార్యక్రమాలు నిర్వహించారు. అలాగే అమ్మవారికి హారతి కార్యక్రమం నిర్వహించారు. ఇదిలా ఉండగా భజన మండలి వారు నిర్వహిస్తున్న భజన గీతాలను చూసి ఎమ్మెల్యే స్టేజిపై ఎక్కి హనుమాన్ మంత్రాన్ని ఆలపించారు. ఆలయం నుండి పురవీధుల గుండా పల్లకి సేవ కార్యక్రమంలో ఎమ్మెల్యే ధనపాల్ పాల్గొన్నారు. ఈ సందర్భంగా ఆయన మాట్లాడుతూ ఎంతో ప్రాచీనమైన పురాతనమైన ఈ ఆలయంలో భక్తులు కోరిన కోర్కెలు తీర్చే ఆలయంగా ప్రసిద్ధి చెందిందని అన్నారు. ఇక్కడ ఆలయంలో ఉన్న పలు దేవతల మూర్తులకు ఏ కష్టాలు ఉన్న భక్తితో నిష్టతో పూజిస్తే అన్ని బాధలు తొలగిపోతాయని భక్తుల ప్రగాఢ నమ్మకమని ఎమ్మెల్యే అన్నారు. కార్యక్రమంలో ఆలయ కమిటీ కార్యదర్శి సత్య గిరి, కోశాధికారి వినోద్ అగర్వాల్ తదితరులు పాల్గొన్నారు.