బీసీ ముదిరాజ్‌ ముద్దుబిడ్డ మంత్రి వాకిటి శ్రీహరి : అక్కిగారి శ్రీధర్

డైలీ భారత్, రంగారెడ్డి జిల్లా : సర్పంచ్‌ స్థాయి నుండి మంత్రి స్థాయికి ఎదిగిన ముదిరాజుల ముద్దుబిడ్డ మంత్రి వాకిటి శ్రీహరికి రంగారెడ్డి జిల్లా షాద్‌నగర్‌ నియోజకవర్గం కాంగ్రెస్ సీనియర్ నాయకులు అక్కిగారి శ్రీధర్ హర్షం ప్రకటించారు. ముఖ్యమంత్రి రేవంత్‌ రెడ్డి బీసీలకు ప్రాధాన్యతనిస్తూ ముఖ్యంగా ముదిరాజుల పట్ల ఎంతో గౌరవంగా మంత్రి పదవిని కేటాయించి వారికి గౌరవం ఇవ్వడం జరుగుతుందని అన్నారు. శ్రీహరిని మంత్రిని చేసిన కాంగ్రెస్‌ పార్టీ అధిష్టానానికి కృతజ్ఞతలు తెలిపారు.