హైడ్రా ప్ర‌జావాణి 64 ఫిర్యాదులు వారంలోనే క్షేత్ర స్థాయి త‌నిఖీలు

డైలీ భారత్, రంగారెడ్డి జిల్లా: పార్కులను కాపాడండి.. ర‌హ‌దారుల‌కు అడ్డంగా  నిర్మించిన ప్ర‌హ‌రీల‌ను తొల‌గించండి.. చెరువుల ఎఫ్‌టీ ఎల్ ను నిర్ధారించండి.. మా ప్లాట్లతో పాటు.. ప్ర‌జావ‌స‌రాల‌కు ఉద్దేశించిన స్థ‌లాల‌ను  కొంత‌మంది క‌బ్జా చేస్తున్నారు.. ఇలా హైడ్రా ప్ర‌జావాణిలో ఫిర్యాదులు వెల్లువెత్తాయి.సోమ‌వారం నిర్వ‌హించిన ప్ర‌జావాణిలో మొత్తం 64 ఫిర్యాదులందాయి.  ఇలా వ‌చ్చిన ఫిర్యాదుల‌పై అక్క‌డిక‌క్క‌డే అధికారుల‌తో మాట్లాడి.. గూగుల్, స‌ర్వే ఆఫ్ ఇండియా మ్యాప్‌ల‌ను స‌రిపోల్చి.. స‌మ‌స్య ప‌రిష్కారానికి తీసుకోవాల్సిన చ‌ర్య‌ల‌పై హైడ్రా క‌మిష‌న‌ర్ రంగ‌నాథ్‌ ఆదేశాలు జారీ చేశారు.