కొత్తకోటలో సుభాష్ చంద్రబోస్ విగ్రహ ఆవిష్కరణ 

హాజరైన దేవరకద్ర ఎమ్మెల్యే మధుసూదన్ రెడ్డి మాజీ ఎమ్మెల్యే ఆల వెంకటేశ్వర్ రెడ్డి తదితరులు 

డైలీ భారత్, రంగారెడ్డి జిల్లా: దేశ యువతకు దిక్సూచిగా నిలిచిన మహోన్నత వ్యక్తి సుభాష్ చంద్రబోస్ అని మహబూబ్ నగర్ ఎమ్మెల్సీ నాగర్ కుంట నవీన్ కుమార్ రెడ్డి అన్నారు. ఉమ్మడి జిల్లాలోని దేవరకద్ర నియోజక వర్గంలోని కొత్తకోట మండల పరిషత్ ప్రాంగణంలో ఎంపీపీ గుంతా మౌనిక మల్లేష్ ఆధ్వర్యంలో శుభాష్ చంద్రబోస్ విగ్రహ ఆవిష్కరణ కార్యక్రమం కన్నుల పండుగగా జరిగింది. ముఖ్య అతిధులుగా ఎమ్మెల్సి నవీన్ కుమార్ రెడ్డి, దేవరకద్ర ఎమ్మెల్యే మధుసూదన్ రెడ్డిమ రియు దేవరకద్ర మాజీ ఎమ్మెల్యే ఆల వెంకటేశ్వర్ రెడ్డిలు హాజరయ్యారు. ఈ సందర్భంగా ఎమ్మెల్సీ నవీన్ కుమార్ రెడ్డి కార్యక్రమంలో ఉద్దేశించి మాట్లాడారు.. సుభాష్ చంద్రబోస్ , భారత స్వాతంత్ర్య ఉద్యమం యొక్క అత్యంత ప్రముఖ నాయకులలో ఒకరని, తన శక్తివంతమైన నినాదాలు మరియు ఉత్తేజకరమైన ప్రసంగాలతో లెక్కలేనన్ని వ్యక్తులను ప్రేరేపించిన ఒక ప్రభావవంతమైన శక్తి అని అన్నారు. బ్రిటీష్ వలస పాలన నుండి భారతదేశాన్ని విముక్తి చేయడంలో అచంచలమైన నిబద్ధతతో, స్వేచ్ఛా మరియు ఐక్య భారతదేశం కోసం అతని దృష్టిని సంగ్రహించే అనేక రకాల నినాదాలు అనుసరించేలా చేసిందని అన్నారు. ఈ సందర్భంగా మండల పరిషత్ పాలక వర్గం ఎమ్మెల్సీ నవీన్ కుమార్ రెడ్డిని సన్మానం చేశారు. దేవరకద్ర ఎంపిటిసిలు, కౌన్సిలర్లు, జడ్పిటిసిలు మరియు మాజీ సర్పంచ్ లు,  బిఆర్ఎస్ ప్రజాప్రతినిధులు మరియు కార్యకర్తలు పాల్గొన్నారు..