డైలీ భారత్ స్పెషల్:
ఆశల అంచున రైతన్న : మంజుల పత్తిపాటి.
ఎన్ని మార్లు ప్రకృతి కన్నెర్ర చేసినా…
ఎదలో ఆశను మాత్రం చావనివ్వడు..!
చెమట చుక్కలతో పంటను పండించి…
కన్నీటి చుక్కలతో అప్పులను లెక్కిస్తాడు!
ఊరంతా పండుగ వెలుగుల్లో మునిగితే…
పొలం గట్టున చీకటితో…
పురుగు పుట్రల మధ్య సహవాసం చేస్తాడు!
అప్పుల అగ్గిరవ్వలు గుండెల మీద
కూర్చొని కాలుస్తుంటే…
పండించిన పంట ధర
పక్కవాడు నిర్ణయిస్తుంటే…
మనోధైర్యంతో ముందుకు సాగుతాడు..!
తాను చేసే పనిలోనే సాయం ఉన్న వ్యక్తి రైతన్న..!
బహుశా—
బతకడం అంటే లాభాలపై తేలడం కాదు
మునిగిపోతున్నప్పటికీ...
వ్యవసాయం పై నమ్మకాన్ని కోల్పోక
పది మంది ఆకలి తీర్చడమే..!
ప్రకృతి నేస్తానికి మంచి రోజులు రావాలి అని కోరుకుంటూ….
రచన: మంజుల పత్తిపాటి (పకృతి నేస్తం)
చరవాణి 9347042218
మాజీ ఆలేరు వ్యవసాయ మార్కెట్ కమిటీ డైరెక్టర్.
యాదాద్రి భువనగిరి జిల్లా
తెలంగాణ రాష్ట్రం.
