డైలీ భారత్, భద్రాద్రి కొత్తగూడెం: అశ్వారావుపేట ఏజెన్సీ ప్రాంతంలో అటవీశాఖ చర్యలు కలకలం రేపాయి. మండలం పరిధిలోని రామన్నగూడెం గ్రామ సర్పంచ్ మడకం నాగేశ్వరరావుకు చెందిన పట్టా భూమిలో సాగు చేసిన 4 ఎకరాల కంది పంటను అటవీశాఖ సిబ్బంది రాత్రికి రాత్రే ధ్వంసం చేయడంతో తీవ్ర ఉద్రిక్తత నెలకొంది.
బాధిత రైతు సొంత పట్టా పొలంలో భారీ పెట్టుబడితో సాగు చేసిన పంట చేతికొచ్చే దశలో ఉందని, ఎలాంటి నోటీసు లేకుండా అటవీ సిబ్బంది ధ్వంసం చేశారని గిరిజనులు ఆరోపిస్తున్నారు.
దీనికి నిరసనగా రామన్నగూడెం గ్రామానికి చెందిన సుమారు 200 మంది గిరిజన రైతులు, మహిళలు 3 ట్రాక్టర్లలో అశ్వారావుపేట పోలీస్ స్టేషన్కు తరలివచ్చి ముట్టడించి ధర్నా చేశారు.
గిరిజనుల డిమాండ్లు:
- గిరిజనులపై అటవీశాఖ వేధింపులు ఆపాలి
- పంట ధ్వంసం చేసిన సిబ్బందిపై SC/ST అట్రాసిటీ కేసు నమోదు చేయాలి
- బాధిత రైతుకు పూర్తి నష్టపరిహారం ఇవ్వాలి
పోలీసులు చర్యలు తీసుకుంటామని హామీ ఇవ్వడంతో ఆందోళన తాత్కాలికంగా విరమించారు. దీంతో అశ్వారావుపేటలో పోడు/పట్టా భూముల వివాదం మరోసారి తెరపైకి వచ్చింది
#Aswaraopeta #BhadradriKothagudem #CropDestruction #TribalFarmers #ForestVsFarmers #TelanganaNews #DailyBharat