డైలీ భారత్, రాజన్న సిరిసిల్ల: రాష్ట్ర స్థాయి స్పోర్ట్స్ మీట్ మరియు జోనల్ స్థాయి డ్యూటీ మీట్‌లో రాజన్న సిరిసిల్ల జిల్లా పోలీసులు తమ ప్రతిభను చాటుకున్నారు. క్రీడలు, డ్యూటీ రెండింటిలోనూ రాణించిన క్రీడాకారులను, అధికారులను, సిబ్బందిని జిల్లా ఎస్పీ మహేష్ బి. గితే ప్రత్యేకంగా అభినందించారు.

రాష్ట్ర స్పోర్ట్స్ మీట్‌లో 3 పతకాలు...

మల్కాజిగిరి కమిషనరేట్ వేదికగా జులై 07 నుండి 09 వరకు జరిగిన తెలంగాణ రాష్ట్ర 5వ పోలీస్ స్పోర్ట్స్ మీట్‌లో సిరిసిల్ల జిల్లా పోలీసులు మొత్తం 3 పతకాలు కైవసం చేసుకున్నారు.

గోల్డ్ మెడల్ : యోగా విభాగంలో రిజర్వ్ కానిస్టేబుల్ దేవారాజ్

సిల్వర్ మెడల్ : పవర్ లిఫ్టింగ్‌లో ఆర్ముడ్ కానిస్టేబుల్ సంతోష్  

బ్రాంజ్ మెడల్ : ఆర్మ్స్ రెజ్లింగ్‌లో ఆర్.ఎస్.ఐ శ్రీనివాస్

జోనల్ డ్యూటీ మీట్‌లోనూ రాణింపు... 

కరీంనగర్ వేదికగా జరిగిన జోనల్ స్థాయి డ్యూటీ మీట్‌లో వివిధ కేటగిరీలలో ప్రతిభ కనబర్చిన వారిని ఎస్పీ అభినందించారు. వారిలో సిరిసిల్ల రూరల్ సి.ఐ నాగేశ్వరరావు, బోయినపల్లి ఎస్.ఐ రమాకాంత్, వీర్నపల్లి ఎస్.ఐ లక్ష్మణ్, కానిస్టేబుళ్లు శేఖర్, హరీష్, కిరణ్ ఉన్నారు.

పతకాలను అందజేసిన ఎస్పీ ...

ఈరోజు జిల్లా పోలీస్ కార్యాలయంలో విజేతలకు పతకాలు అందజేసిన ఎస్పీ మహేష్ బి. గితే మాట్లాడుతూ, క్రీడలు మానసిక దృఢత్వాన్ని పెంపొందించడంలో కీలక పాత్ర పోషిస్తాయని పేర్కొన్నారు. గెలుపోటములు సహజమని, విజేతలు జాతీయ స్థాయిలో మెరుగైన ప్రదర్శన ఇవ్వాలని, ఓడినవారు నిరాశ చెందకుండా లోపాలను సరిదిద్దుకోవాలని సూచించారు.

ఈ కార్యక్రమంలో సి.ఐ సిరిసిల్ల రూరల్ నాగేశ్వరరావు, ఆర్.ఐ అడ్మిన్ సురేష్, ఎస్.ఐలు, సిబ్బంది పాల్గొన్నారు.

#RajannaSircilla, #TelanganaPolice, #SportsMeet #SPMaheshGitte #SircillaPolice