సేవాదళ్ జిల్లా అధ్యక్షుడు గడ్డమీది మహెష్,డిసిసి జనరల్ సెక్రెటరీ నిమ్మ విజయకుమార్ రెడ్డి

డైలీ భారత్, కామారెడ్డి : అసెంబ్లీ సమావేశాల సందర్భంగా బీఆర్ఎస్ ఎమ్మెల్యేలు స్పీకర్ పట్ల ప్రవర్తించిన తీరు అత్యంత హేయమైనదని, ప్రజాస్వామ్యానికి మాయని మచ్చ అని సేవాదళ్ జిల్లా అధ్యక్షుడు గడ్డమీది మహేష్, డిసీసీ జనరల్ సెక్రెటరీ విజయ్ కుమార్ రెడ్డి, మండిపడ్డారు. పదేళ్ల పాటు అధికారంలో ఉండి అన్ని వ్యవస్థలను భ్రష్టు పట్టించిన బీఆర్ఎస్ పార్టీకి ఇప్పుడు ప్రతిపక్షంలో కూడా ఎలా వ్యవహరించాలో తెలియడం లేదన్నారు. శాసనసభ అంటే దేవాలయం లాంటిదని, అలాంటి సభకు పెద్ద అయిన స్పీకర్ గడ్డం ప్రసాద్ కుమార్ పట్ల బీఆర్ఎస్ నేతలు అమానుషంగా, దురుసుగా మాట్లాడటాన్ని సేవాదళ్ తరపున తీవ్రంగా ఖండిస్తున్నామన్నారు. ఇది కేవలం స్పీకర్ ను అవమానించడం కాదు, తెలంగాణ నాలుగు కోట్ల ప్రజలను, రాజ్యాంగాన్ని అవమానించడమే అని అన్నారు. వెంటనే బీఆర్ఎస్ పార్టీ అధ్యక్షుడు కేసీఆర్, వర్కింగ్ ప్రెసిడెంట్ కేటీఆర్ స్పీకర్ కు బహిరంగ క్షమాపణ చెప్పాలని డిమాండ్ చేశారు. భవిష్యత్తులో ఇలాంటి ఘటనలు పునరావృతం అయితే సేవాదళ్ సహించబోదని, బీఆర్ఎస్ క్షమాపణ చెప్పకపోతే రాష్ట్ర సేవాదళ్ అధిష్టానం నిర్ణయం మేరకు జిల్లా వ్యాప్తంగా పెద్ద ఎత్తున నిరసన కార్యక్రమాలు, భవిష్యత్ ప్రణాళిక ప్రకటిస్తామని హెచ్చరించారు

ఈ కార్యక్రమంలో,కామారెడ్డి నియోజకవర్గం సేవాదళ్ అధ్యక్షులు మెహర్ బాబా గౌడ్, కామారెడ్డి సేవాదళ్ టౌన్ అధ్యక్షులు, సుదర్శన్, రాజంపేట మండల సేవాదళ్ అధ్యక్షులు వేణు  చారి ఉన్నారు.