డైలీ భారత్, దమ్మన్నపేట: జిల్లా పరిషత్ ఉన్నత పాఠశాల దమ్మన్నపేట యందు శనివారం అంతర్జాతీయ యోగా దినోత్సవం సందర్భంగా ముందస్తు వేడుకలను ఘనంగా నిర్వహించారు. ఈ కార్యక్రమానికి పాఠశాల ఇన్చార్జి ,ప్రధానోపాధ్యాయులు బోయన్న గారి నారాయణ అధ్యక్షత వహించారు.
ఈ సందర్భంగా ఆయన మాట్లాడుతూ, యోగాను ప్రపంచానికి పరిచయం చేసిన ఘనత భారతదేశానిదేనని తెలిపారు. యోగా ద్వారా శారీరక, మానసిక ఆరోగ్యం మెరుగుపడుతుందని, ప్రతి ఒక్కరూ తమ దైనందిన జీవితంలో యోగాను భాగంగా చేసుకోవాలని విద్యార్థులకు సూచించారు.
విద్యార్థులు వివిధ యోగాసనాలను ప్రదర్శించగా, ఉపాధ్యాయులు కూడా వారితో కలిసి యోగాసనాలు చేశారు. యోగా యొక్క ప్రాముఖ్యత, ఆరోగ్య ప్రయోజనాల గురించి విద్యార్థులకు వివరించారు.
ఈ కార్యక్రమంలో ఉపాధ్యాయులు గుడికాడి కొమురయ్య, జడల విజయశ్రీ, తాడూరి సంపత్ కుమార్ మరియు విద్యార్థిని విద్యార్థులు పాల్గొన్నారు
