మున్సిపల్ పరోక్ష ఎన్నికల దృష్ట్యా పోలీస్ కమిషనర్ గౌష్ ఆలం ఉత్తర్వులు
ముగ్గురు లేదా అంతకంటే ఎక్కువ మంది గుమిగూడటంపై నిషేధం
డైలీ భారత్, కరీంనగర్: రాష్ట్ర ఎన్నికల సంఘం ఆదేశాల మేరకు రేపు (ఫిబ్రవరి 16న) జరగనున్న మున్సిపల్ కార్పొరేషన్ మేయర్, డిప్యూటీ మేయర్ మరియు మున్సిపాలిటీల ఛైర్మన్, వైస్ ఛైర్మన్ పరోక్ష ఎన్నికల సందర్భంగా కరీంనగర్ కమిషనరేట్ పరిధిలో 163 BNSS (గతంలో సెక్షన్ 144) ఉత్తర్వులను అమలు చేస్తున్నట్లు పోలీస్ కమిషనర్ గౌష్ ఆలం, ఐ.పి.ఎస్. ఒక ప్రకటనలో తెలిపారు.
శాంతిభద్రతల పరిరక్షణ మరియు ఎన్నికలు ప్రశాంత వాతావరణంలో నిర్వహించేందుకు ఈ నిర్ణయం తీసుకున్నట్లు ఆయన పేర్కొన్నారు.
ముఖ్య నిబంధనలు:
నిషేధం: కరీంనగర్ మున్సిపల్ కార్పొరేషన్ తో పాటు చొప్పదండి, హుజూరాబాద్, జమ్మికుంట మున్సిపాలిటీల పరిధిలో ముగ్గురు లేదా అంతకంటే ఎక్కువ మంది వ్యక్తులు గుమిగూడటం నిషేధం.
అమలు సమయం: ఈ ఉత్తర్వులు ఫిబ్రవరి 16 ఉదయం 06:00 గంటల నుండి ఫిబ్రవరి 17 ఉదయం 06:00 గంటల వరకు అమల్లో ఉంటాయి.
అనుమతులు: ఏదైనా చట్టబద్ధమైన సమావేశాలు నిర్వహించాలన్నా సంబంధిత అధికారుల నుండి ముందస్తు అనుమతి తప్పనిసరి.
చర్యలు: ఈ నిబంధనలను ఉల్లంఘించిన వారిపై చట్టపరమైన కఠిన చర్యలు తీసుకోవడం జరుగుతుంది.
మినహాయింపులు:
ఈ ఉత్తర్వుల నుండి కింది వారికి మినహాయింపు ఉంటుంది.
విధి నిర్వహణలో ఉన్న పోలీసులు, సైనిక సిబ్బంది మరియు హోంగార్డులు.
అంత్యక్రియల ఊరేగింపులు.
పరీక్షలకు హాజరయ్యే విద్యార్థులు.
వైద్య మరియు అత్యవసర సేవలు (Emergency Services).
సమర్థ అధికారి నుండి ప్రత్యేక అనుమతి పొందిన వ్యక్తులు/బృందాలు.
మున్సిపల్ పరోక్ష ఎన్నికలు ప్రశాంతంగా ముగిసేందుకు ప్రజలు, ప్రజా ప్రతినిధులు పోలీసు యంత్రాంగానికి సహకరించాలని కమిషనర్ కోరారు.
#karimnagar #karimnagarsmartcity #karimnagarsmartcityupdates
