| Daily భారత్
ADVERTISEMENT
Home / News / News

మండల వ్యాప్తంగా ఘనంగా సద్దుల బతుకమ్మ వేడుకలు - బీబీపేటలో అంబరాన్నంటిన సంబరాలు

మండల వ్యాప్తంగా ఘనంగా సద్దుల బతుకమ్మ వేడుకలు - బీబీపేటలో అంబరాన్నంటిన సంబరాలు

డైలీ భారత్, బీబీపేట: బీబీపేట మండల వ్యాప్తంగా బతుకమ్మ సంబరాలు అంబరాన్నంటాయి. మండలంలోని అన్ని గ్రామ పంచాయతీల పరిధిలో సద్దుల బతుకమ్మ పండుగను మహిళలు భక్తిశ్రద్ధలతో ఘనంగా నిర్వహించారు.

ప్రపంచంలోనే పూలను దేవతగా కొలిచే పండుగ బతుకమ్మ పండుగ అని మహిళలు అన్నారు. తంగేడు పూలను తీసుకువచ్చి రంగురంగుల బతుకమ్మలను పేర్చి, బతుకమ్మలలో పసుపుతో గౌరమ్మలను తయారుచేసి, గ్రామాలలోని ప్రధాన ఆలయాలు, కూడళ్లలో బతుకమ్మ పాటలు పాడుతూ వేడుకలను నిర్వహించారు.

తెలంగాణ సంస్కృతిలో బతుకమ్మ పండుగకు ప్రత్యేక స్థానం ఉందని, మహిళల్లో ఐక్యతను, పరస్పర స్నేహ భావాన్ని పెంపొందించడంలో ఈ వేడుకలు దోహదపడతాయని తెలిపారు.

ప్రత్యేక ఏర్పాట్లు:

మండల వ్యాప్తంగా అన్ని గ్రామ పంచాయతీల ఆధ్వర్యంలో పెద్ద ఎత్తున ఏర్పాట్లు చేశారు. బతుకమ్మలను ఉంచే ప్రధాన కూడళ్లు, చెరువులలో నిమజ్జనం చేసే ప్రాంతాల వరకు ప్రత్యేక విద్యుత్ దీపాలు ఏర్పాటు చేశారు. పలు గ్రామాల్లో డీజే బాక్సులు ఏర్పాటు చేసి బతుకమ్మ పాటలు ప్లే చేస్తూ లయబద్ధంగా బతుకమ్మ ఆడారు.

గత తొమ్మిది రోజులుగా జరిగిన బతుకమ్మ వేడుకలు ఆదివారం సద్దుల బతుకమ్మలను గంగమ్మ ఒడిలో నిమజ్జనం చేయడంతో ముగిశాయి.

ఈ వేడుకల్లో సర్పంచ్ స్వాతి, ఉప సర్పంచ్ ప్రశాంత్, మాజీ ఎంపీటీసీ కొరివి నీరజ, గ్రామ పంచాయతీ సర్పంచులు, ఉప సర్పంచులు, పాలకవర్గ సభ్యులు, ప్రజా ప్రతినిధులు, వివిధ పార్టీల నాయకులు, గ్రామ పెద్దలు, పంచాయతీ కార్యదర్శులు, యూత్ అసోసియేషన్ సభ్యులు, మహిళలు, చిన్నారులు పెద్ద ఎత్తున పాల్గొన్నారు.


 #SaddulaBathukamma #Bibipet #Kamareddy #Bathukamma2025

Previous చిట్టీల డబ్బుల కోసం అమర నిరాహార దీక్ష
Next వెంకట సాయి నగర్‌లో ఘనంగా సద్దుల బతుకమ్మ వేడుకలు
ADVERTISEMENT