సొంత పార్టీ అభ్యర్థులను ఓడించేందుకు కుట్రలు చేస్తున్నదేవరు?

డైలీ భారత్, హుజూర్ నగర్: తెలంగాణ రాష్ట్ర మున్సిపల్ ఎన్నికల నేపథ్యంలో హుజూర్ నగర్ మున్సిపాలిటీ పోటీ చేస్తున్న సొంత పార్టీ అధికారిక అభ్యర్థుల విజయాన్ని అడ్డుకునేందుకు అంతర్గతంగా కుట్రలు జరుగుతున్నాయనే సమాచారం రాజకీయ వర్గాల్లో తీవ్ర చర్చకు దారి తీస్తోంది. టికెట్‌ కేటాయింపుపై అసంతృప్తి, స్థానిక నాయకుల మధ్య ఆధిపత్య పోరు, వ్యక్తిగత రాజకీయ లాభాల కోసం కొందరు నాయకులు పార్టీకి వ్యతిరేకంగా పనిచేస్తున్నారనే ఆరోపణలు వినిపిస్తున్నాయి.పార్టీ జెండా కింద ప్రజల ముందుకు వెళ్లి ఓట్లు అడుగుతున్న అధికారిక అభ్యర్థులపై రహస్యంగా వ్యతిరేక ప్రచారం చేయడం, కార్యకర్తలను గందరగోళానికి గురిచేయడం, ప్రత్యర్థి పార్టీల అభ్యర్థులకు పరోక్షంగా సహకరించడం వంటి చర్యలు పార్టీ శ్రేణుల్లో తీవ్ర అసంతృప్తిని కలిగిస్తున్నాయి.