సాయి రమణ రైస్ మిల్లులో ప్రమాదం...కార్మికుడు మృతి

డైలీ భారత్ న్యూస్, హుజూర్ నగర్: సూర్యాపేట జిల్లా హుజూర్ నగర్ పట్టణ కేంద్రంలోని జాతీయ రహదారి 167 పై మిర్యాలగూడ రోడ్డులో ఉన్న సాయి రమణ రైస్ పార్ బాయిల్డ్ రైస్ మిల్లులో ప్రమాదం జరిగింది. లారీలో వరి పొట్టును నింపుతుండగా లారీ పైనుంచి కిందపడి ఒక కార్మికుడు ప్రాణాలు కోల్పోయాడు. మృతుడు బీహార్ రాష్ట్రానికి చెందిన రాజు కుమార్ దాస్ (26)గా గుర్తించారు. సమాచారం అందుకున్న పోలీసులు మృతదేహాన్ని పోస్టుమార్టం నిమిత్తం హుజూర్ నగర్ ఏరియా ఆసుపత్రికి తరలించారు. ఈ ఘటనపై కేసు నమోదు చేసి దర్యాప్తు చేపట్టినట్లు పోలీసులు తెలిపారు.