షాబాద్ సర్పంచ్, ఉపసర్పంచ్,వార్డు సభ్యులను సన్మానించిన గ్రంథాలయ ఛైర్మన్ ఎలుగంటి మధుసూదన్ రెడ్డి

డైలీ భారత్ న్యూస్, రంగారెడ్డి జిల్లా: ఇటీవల జరిగిన గ్రామపంచాయతీ ఎన్నికల్లో కాంగ్రెస్ పార్టీ బలపర్చిన  షాబాద్ గ్రామం సర్పంచ్‌ గుండాల అశోక్ , ఉపసర్పంచ్‌ దండు రాహుల్ గుప్తా, వార్డు సభ్యులు విజయం సాధించిన సందర్భంగా జిల్లా గ్రంథాలయ సంస్థ ఛైర్మన్ ఎలుగంటి మధుసూదన్ రెడ్డి అభినందనలు తెలిపారు. శనివారం ఆయన నివాసంలో  విజేతలను ఘనంగా సత్కరించారు.గ్రామంలో ఎలాంటి సమస్య వచ్చినా ప్రజలకు అందుబాటులో ఉండి వెంటనే పరిష్కరించాలని సూచించారు. అలాగే కాంగ్రెస్ ప్రభుత్వం అమలు చేస్తున్న సంక్షేమ పథకాలను గ్రామ ప్రజలకు పూర్తిస్థాయిలో చేరవేసి, షాబాద్ గ్రామాన్ని అభివృద్ధి పథంలో నడిపించాలని సూచించారు. ఈ కార్యక్రమంలో వార్డు మెంబర్లు, కార్యకర్తలు పాల్గొన్నారు.