నిజామాబాద్ జిల్లాలో ఒకేరోజు మూడు ప్రాంతాల్లో విరబూసిన బ్రహ్మ కమలం పుష్పాలు

డైలీ భారత్ న్యూస్, నిజామాబాద్: హిమాలయాల్లో మాత్రమే వికసించే బ్రహ్మకమలానికి ఎంతో విశిష్టత ఉంది. ఈ పుష్పం అరుదుగా మాత్రమే పూస్తుంది. అలాంటి బ్రహ్మ కమలం ప్రస్తుతం నిజామాబాద్​ జిల్లాలోనూ జిల్లా కేంద్రంలోని ఒకరి నివాసం లో  విరబూసింది. విద్యుత్​శాఖలో పనిచేస్తున్న ఏడీఈ తోట రాజశేఖర్  దంపతులు నిజామాబాద్ నగరంలో నివాసం ఉంటున్నారు. వీరు కర్ణాటక రాష్ట్రంలోని మురుడేశ్వర్ నుంచి గతంలో మొక్కను తీసుకువచ్చి తమ ఇంటి ఆవరణలో నాటారు . ప్రస్తుతం ఆ మొక్కకు మూడు పువ్వులు పూశాయి. అలాగే పోతంగల్ మండల కేంద్రంలో జింగరి గంగాధర్​, జయశ్రీ దంపతులు బ్రహ్మకమలం మొక్కను బద్రీనాథ్​ నుంచి తీసుకువచ్చినట్లు తెలిపారు . ఆ మొక్క సైతం పుష్పించింది. ఈ సందర్భంగా ఆ పువ్వులకు ప్రత్యేక పూజలు చేశారు.