డైలీ భారత్, కామారెడ్డి : గిరిజన గురుకుల డిగ్రీ కళాశాల కామారెడ్డి కి చెందిన విద్యార్థి విస్లావత్ బన్నీ లడక్‌లో నిర్వహించిన మౌంట్ కాంగ్ యాస్తే–2 శిఖరాన్ని విజయవంతంగా అధిరోహించి కళాశాలకే కాకుండా కామారెడ్డి జిల్లాకు గర్వకారణంగా నిలిచారు.
ఈ విశేష విజయాన్ని పురస్కరించుకుని గౌరవ 6 వ. వార్డ్ కౌన్సిలర్ శ్రీ నిట్టు గంగాధర్ రావు విద్యార్థిని ఘనంగా సన్మానించి అభినందించారు. ఈ సందర్భంగా ఆయన బన్నీ భవిష్యత్తులో మరిన్ని ఉన్నత శిఖరాలను అధిరోహించాలని ఆకాంక్షిస్తూ ప్రోత్సహించారు.
ఈ సన్మాన కార్యక్రమంలో మామిండ్ల మారుతి మరియు కళాశాల ఆధ్యాపకులు,మరియు గ్రామ యువకులు సంగిచెట్టి చిన్న రాజు పాల్గొని విద్యార్థిని అభినందించారు.
"విద్యార్థి విస్లావత్ బన్నీ సాధించిన ఈ ఘన విజయం కామారెడ్డి జిల్లాకు గర్వకారణం. మరెందరో యువతకు ఆయన స్ఫూర్తిదాయకంగా నిలవాలని అందరూ ఆకాంక్షించారు."
