పిల్లల ఆన్‌లైన్ గేమింగ్.. తల్లిదండ్రుల అజాగ్రత్తతో ఆర్థిక నష్టం

డైలీ భారత్, హైదరాబాద్: హైదరాబాద్‌లో పిల్లలు ఆన్‌లైన్ గేమింగ్‌కు బానిసలై తల్లిదండ్రుల బ్యాంక్ ఖాతాలను ఖాళీ చేస్తున్నారని సీపీ వీసీ సజ్జనార్ తెలిపారు. సైబర్ క్రైమ్ స్టేషన్‌కు వస్తున్న ఫిర్యాదులను పరిశీలించి ఆయన ఈ విషయాలను బుధవారం వెల్లడించారు. పిల్లలు ఫ్రీఫైర్ వంటి ఆటల్లో వర్చువల్ కాయిన్స్, డైమండ్స్ కొనుగోలు చేయడానికి తల్లిదండ్రుల ఫోన్లలో సేవ్ చేసిన కార్డ్ వివరాలు, యూపీఐలను వాడుతున్నారని, ముఖ్యంగా వృద్ధుల ఫోన్లలో ఈ లావాదేవీలు ఎక్కువగా జరుగుతున్నాయని తెలిపారు. ఈ గేమింగ్ యాప్‌ల నియంత్రణకు ప్రభుత్వాలు, గూగుల్ వంటి సంస్థలకు లేఖలు రాస్తామని, తల్లిదండ్రులు పిల్లల ఫోన్లలో సేవ్ చేసిన వివరాలను తొలగించి, ప్రతి లావాదేవీకి పిన్, బయోమెట్రిక్ లాక్ తప్పనిసరి చేయాలని సూచించారు.