వరంగల్ మండల విద్యాశాఖ అధికారి సాదం వెంకటేశ్వర్ రావు

డైలీ భారత్, వరంగల్: వరంగల్ లో సీఎం కప్ రెండవ ఎడిషన్‌కు సంబంధించి వరంగల్ మండల స్థాయి క్రీడా పోటీలు ఈ నెల 3వ తేదీన ఓ సిటీ స్టేడియంలో నిర్వహించనున్నట్లు వరంగల్ మండల విద్యాశాఖ అధికారి శ్రీ సాదం వెంకటేశ్వర్ రావు ఒక ప్రకటనలో తెలిపారు.

ఈ పోటీల్లో కబడ్డీ, ఫుట్‌బాల్, వాలీబాల్, ఖో-ఖో, చెస్, యోగ, కరాటే, అథ్లెటిక్స్ క్రీడాంశాలలో పోటీలు నిర్వహించనున్నట్లు ఆయన వివరించారు. మండల స్థాయి క్రీడాకారులకు తమ ప్రతిభను ప్రదర్శించుకునేందుకు ఈ పోటీలు మంచి అవకాశంగా నిలుస్తాయని ఆయన అన్నారు.

వరంగల్ మండలానికి చెందిన క్రీడాకారులు రేపు ఉదయం 9 గంటలకు ఓ సిటీ స్టేడియంలో హాజరుకావాలని సూచించారు. ఇప్పటికే ఆన్‌లైన్ ద్వారా రిజిస్ట్రేషన్ చేసుకున్న క్రీడాకారులు తమ వివరాల కోసం పీడీలు పర్వీన్ (9866818518), రవీనా (9705914975), జుబేదా (9705837006) నెంబర్లలో సంప్రదించాలని తెలిపారు.

మండల స్థాయిలో నిర్వహిస్తున్న ఈ సీఎం కప్ క్రీడా పోటీలను విజయవంతం చేయాలని విద్యాశాఖ అధికారులకు, క్రీడాకారులకు ఆయన పిలుపునిచ్చారు.