డైలీ భారత్ న్యూస్, నిజామాబాద్: విద్యాశాఖ జిల్లా ఫోరం ఆధ్వర్యంలో జిల్లా అధ్యక్ష, కార్యదర్శులు శివకుమార్, అశ్విన్ ల అధ్యక్షతన, ఐ డి ఓ సి కార్యాలయంలో ఏర్పాటుచేసిన విద్యాశాఖ ఉద్యోగుల ఫోరం జిల్లా క్యాలెండర్ ఆవిష్కరణ కార్యక్రమానికి ఎంప్లాయిస్ జేఏసీ జిల్లా చైర్మన్, టిఎన్జీవో జిల్లా అధ్యక్షులు నాశెట్టి సుమన్ కుమార్, టీఎన్జీవో జిల్లా కార్యదర్శి నేతికుంట శేఖర్ ముఖ్య అతిథులుగా హాజరై, సదరు శాఖ క్యాలెండర్ ను ఆవిష్కరించారు.
అనంతరం సుమన్ కుమార్ మాట్లాడుతూ ఫోరం అధ్యక్ష కార్యదర్శులకు, కార్యవర్గ బృందాన్ని అభినందిస్తూ, శుభాకాంక్షలు తెలిపారు. ఉద్యోగులందరూ బాధ్యతాయుతంగా ఉద్యోగ విధులు నిర్వహిస్తూ, మన హక్కుల పోరాటం కొరకు ఉద్యమిద్దమని తెలియజేస్తూ, ఎంప్లాయిస్ జేఏసీ రాష్ట్ర చైర్మన్, టిఎన్జీవో రాష్ట్ర అధ్యక్షులు మారం జగదీశ్వర్, టిఎన్జీవో రాష్ట్ర ప్రధాన కార్యదర్శి ఎస్ ఎం .హుస్సేని (ముజీబ్) గార్ల అధ్యక్షతన, త్వరలో హైదరాబాద్ ఎల్బీ స్టేడియం నందు నిర్వహించుకోబోయే, టీఎన్జీవో 80 వసంతాల కార్యక్రమానికి ప్రతి ప్రాథమిక సభ్యుడు ఉద్యమస్ఫూర్తితో విచ్చేసి హక్కుల సాధన కొరకై తరలి రావాలని కోరారు.
వీరితోపాటు ఈ కార్యక్రమానికి టిఎన్జీవో జిల్లా ఉపాధ్యక్షులు జాఫర్ హుస్సేన్, అర్బన్ యూనిట్ అధ్యక్షులు జాకీర్ హుస్సేన్, టీఎన్జీవో జిల్లా కార్యవర్గ సభ్యులు స్వామి, సునీల్, టీఎన్జీవో ముఖ్య సలహాదారులు వనమాల సుధాకర్ సదరు శాఖ అధికారులు ఉద్యోగులు అధిక సంఖ్యలో పాల్గొన్నారు.
