మైనారిటీ గురుకులంలో అడ్మిషన్ల లాంచింగ్ ప్రోగ్రాం నిర్వహణ

డైలీ భారత్, హుజూర్ నగర్: ​సూర్యాపేట జిల్లా హుజూర్‌నగర్ పట్టణ కేంద్రంలోని తెలంగాణ మైనారిటీ గురుకుల బాలికల పాఠశాలలో సోమవారం నూతన విద్యా సంవత్సరానికి సంబంధించిన అడ్మిషన్ల (ప్రవేశాల) లాంచింగ్ కార్యక్రమాన్ని  ప్రిన్సిపల్ రెహానా బేగం అధ్యక్షత ఘనంగా నిర్వహించారు. ​ఈ కార్యక్రమానికి ముఖ్య అతిథులుగా మైనారిటీ మత పెద్దలు జనాబ్ రహీమ్ మౌలానా, జనాబ్ నైమతుల్ల,జనాబ్ షేక్ అక్బర్ మౌలానా, జనాబ్ షేక్ మహమ్మద్ మౌలానా, జనాబ్ షేక్  మౌలానా షా తదితరులు హాజరై అడ్మిషన్ల ప్రక్రియను ప్రారంభించారు.ఈ సందర్భంగా ​మైనారిటీ విద్యార్థులు గురుకులాల్లోని విద్యా ప్రమాణాలను సద్వినియోగం చేసుకోవాలని, బాలికా విద్యకు అధిక ప్రాధాన్యత ఇవ్వాలని వారు  కోరారు.మైనారిటీ గురుకులంలో చేరడానికి కావలసిన దరఖాస్తు ప్రక్రియను మరియు ప్రభుత్వం కల్పిస్తున్న ఉచిత విద్య  నాణ్యమైన వసతుల గురించి వారు వివరించారు. ఈ కార్యక్రమంలో పాఠశాల ఉపాధ్యాయ బృందం, సిబ్బంది మరియు విద్యార్థుల తల్లిదండ్రులు పాల్గొన్నారు.