డైలీ భారత్, రంగారెడ్డి జిల్లా : అమ్మలగన్నా అమ్మ ఆది పరాశక్తి జగన్మాత మనుషులలోని దుర్గుణాలను పారద్రోలి సద్గుణాలను ప్రసాదించే అందరి కల్పవల్లి అని ఎమ్మెల్యే వీర్లపల్లి శంకర్ అన్నారు. పతంజలి యోగ సెంటర్లో నిర్వహింపబడుతున్న దేవీ శరన్నవరాత్రి ఉత్సవాల సందర్భంగా సోమవారం సరస్వతి దేవి అలంకరణలో అమ్మవారు దర్శనమిస్తున్న సాయం సంధ్యా వేళ ఎమ్మెల్యే వీర్లపల్లి శంకర్ ముఖ్య అతిథిగా హాజరై ప్రత్యేక పూజ కార్యక్రమాలలో పాల్గొని సరస్వతి అమ్మవారికి ప్రత్యేక పూజలు నిర్వహించి వేద పురోహితుల తీర్థప్రసాదాలతో పాటు ఆశీర్వచనాలు అందుకున్నారు. ముఖ్యఅతిథిగా విచ్చేసిన ఎమ్మెల్యే వీర్లపల్లి శంకర్ ను దేవి శరన్నవరాత్రి ఉత్సవ కమిటీ సభ్యులు అమ్మవారి కండువాతో సన్మానించి ఘనంగా సత్కరించారు. ఈ సందర్భంగా ఎమ్మెల్యే వీర్లపల్లి శంకర్ అఖిలాండకోటి బ్రహ్మాండనాయకి అయిన అమ్మవారు అందరి కోరికలు ఈడేర్చి నెరవేర్చే అందరి కల్పవల్లి నియమ నిష్ఠలతో శ్రద్ధాసక్తులతో పూజిస్తే కోరిన వరాలను ఇస్తుందని, శక్తికి ప్రతీక అయిన అమ్మవారు తన అమూల్యమైన శక్తితో మనిషిలోని దుర్ఘుణాలను పారద్రోలి సద్గుణాలను ప్రసాదిస్తుందని, మనిషి లోపల సద్గుణాలు ఉన్నప్పుడే ఉన్నత వంతుడు అవుతాడని, అమ్మవారి దయవలన అందరూ సుఖసంతోషాలతో వర్ధిల్లాలని ఆకాంక్షించారు.
బతుకమ్మ ఆడి అందరిలో ఉత్సాహం నింపిన ఎమ్మెల్యే వీర్లపల్లి శంకర్
తీరోక్క పూలతో గౌరమ్మ దేవికి మొక్కులు సమర్పించి పూలను పేర్చి అమ్మవారిని ఆరాధించే పూల పండుగ మన బతుకమ్మ పండుగ అని ఎమ్మెల్యే వీర్లపల్లి శంకర్ పతంజలి యోగ సెంటర్లో బతుకమ్మ పండుగ సంబరాలలో పాల్గొని మహిళా మణులు అందరితో కలిసి బతుకమ్మ ఆడి అందరిని ఉత్సాహపరచగా, ఎమ్మెల్యే బతుకమ్మ ఉత్సవాలలో పాల్గొని తమతోపాటే బతుకమ్మ ఆడినందుకు కాలనీ మహిళలందరూ హర్షతిరేకంతో తమ సంతోషాన్ని వ్యక్తం చేశారు. ఎమ్మెల్యే వీర్లపల్లి శంకర్ బతుకమ్మ ఉత్సవాలలో పాల్గొని అడుగులు వేయగానే బతుకమ్మ సంబరాలు అంబరాన్నంటాయి.ఈ కార్యక్రమంలో మార్కెట్ కమిటీ వైస్ చైర్మన్ బాబర్ అలీ ఖాన్, సీనియర్ నాయకులు అగ్గునూరి బస్వం, మైనార్టీ నాయకులు మొహమ్మద్ ఇబ్రహీం, సర్వర్ పాషా, ముబారక్ అలీ ఖాన్, బాలగంగాధర్ తిలక్ లతోపాటు దేవి శరన్నవరాత్రి ఉత్సవ కమిటీ సభ్యులు, అధిక సంఖ్యలో కాలనీ మహిళలు, అమ్మవారి భక్త మహాశయులు పాల్గొన్నారు.
