బోధన్ మాజీ ఎమ్మెల్యే షకీల్ కు హైకోర్టులో షాక్

డైలీ భారత్ న్యూస్, నిజామాబాద్: బోధన్ మాజీ ఎమ్మెల్యే షకీల్ కు హైకోర్టులో చుక్కెదురైంది. పంజాగుట్ట పిఎస్ లో నమోదైన కేసును కొట్టేయాలని, పోలీసులు తప్పుడు కేసు నమోదు చేశారని షకీల్ పిటీషన్ వేశారు. ప్రజాభవన్ ఎదురుగా జరిగిన కారు ప్రమాదంలో అతని కుమారుడు షోహెల్ పై కేసు నమోదు అయ్యింది. కుమారున్ని కేసు నుంచి తప్పించేందుకు ప్రయత్నించారని షకీల్పై కూడా కేసు నమోదు చేశారు. అభియోగ పత్రం దాఖలు చేయాల్సి ఉందని హైకోర్టు షకీల్ పిటీషన్ను కొట్టేసింది.