డైలీ భారత్ న్యూస్, నిజామాబాద్: ట్రాఫిక్ పోలీసుల వేధింపులకు ఓ యువకుడు  నిజామాబాద్​ నగరంలోని ట్రాఫిక్​ పోలీస్​ స్టేషన్​లో గురువారం ఉదయం ఓ యువకుడు ఆత్మహత్యాయత్నం చేసుకోవడానికి యత్నించాడు ఈ ఘటన తీవ్ర దుమారం  రేపింది. నగరానికి చెందిన బాలాజీ అనే యువకుడు కంటిశ్వర్ ప్రాంతంలో  పాలిటెక్నిక్​ కాలేజీకి ఆనుకుని పానీ పూరి బండి నడుపుతూ జీవిస్తున్నాడు. అయితే ఇటీవల నగరానికి కేంద్ర హోం మంత్రి అమిత్​ షా వచ్చిన విషయం తెలిసిందే. ఆయన సభ పాలిటెక్నిక్​ గ్రౌండ్ లో నిర్వహించారు. దీంతో ట్రాఫిక్​ పోలీసులు బాలాజీ పానీ పూరి బండిని అక్కడి నుంచి తీసేయించారు. అమిత్​ షా పర్యటన ముగిసిన తర్వాత మళ్లీ ఏర్పాటు చేసుకోవాలని సూచించారు. ఈ క్రమంలో తన పానీపూరి బండి  పెట్టుకుంటానని గురువారం ఉదయం బాలాజీ ట్రాఫిక్​ పోలీస్​ స్టేషన్​​కు వెళ్లి అడిగాడు. అయితే అందుకు పోలీసులు అనుమతించకపోవడంతో మనస్తాపానికి గురయ్యాడు. వెంటనే తన వెంట తెచ్చుకున్న పెట్రోల్​ను ఒంటిపై పోసుకుని ఆత్మహత్యాయత్నం చేశాడు. అక్కడే ఉన్న పోలీసులు అతడిని అడ్డుకున్నారు.