డైలీ భారత్, శ్రీశైలం: శ్రీశైలం బ్రహ్మోత్సవాలు ఈనెల 19 నుంచి మార్చి 1వ తేదీ వరకు ఘనంగా జరగనున్నాయి. బ్రహ్మోత్సవాల సందర్భంగా ఏపీ సీఎం చంద్రబాబు నాయుడు షెడ్యూలు ఖరారు చేశారు.
ఏపీ ముఖ్యమంత్రి చంద్రబాబు నాయుడు ఫిబ్రవరి 23న శ్రీశైలంకు వెళ్లనున్నారు. స్వామి, అమ్మవార్లకు రాష్ట్ర ప్రభుత్వం తరఫున పట్టు వస్త్రాలు సమర్పించను న్నారు. గతంలో రాష్ట్ర ప్రభుత్వం తరఫున మంత్రులు ఎవరైనా వచ్చి పట్టు వస్త్రాలను సమర్పించేవారు.
ఈసారి నేరుగా ముఖ్య మంత్రి పట్టు వస్త్రాలను సమర్పించనుండటం గమనార్హం.మరోవైపు మహాశివరాత్రి ఏర్పాట్లను పరిశీలించేందుకు రాష్ట్ర మంత్రుల బృందం ఈరోజు శ్రీశైలంకు వెళ్లనుంది.
మంత్రులు పయ్యావుల కేశవ్, అనగాని సత్య ప్రసాద్, ఆనం రామనా రాయణ రెడ్డి, అనగాని సత్యప్రసాద్, బీసీ జనార్దన్ రెడ్డి, ఫరూక్, అనిత శ్రీశైలంలో పర్యటించను న్నారు
శ్రీశైలంను ఆథ్యాత్మిక నగరంగా తీర్చిదిద్దేందుకు రాష్ట్ర ప్రభుత్వం చర్యలు తీసుకుంటోంది. విదేశీ యాత్రికులను సైతం ఆకట్టుకునేలా అంతర్జా తీయ స్థాయి ప్రమాణాలతో అభివృద్ధి చేయడంపై దృష్టి సారించింది.
