డైలీ భారత్, రంగారెడ్డి జిల్లా : ఆన్లైన్ పోర్టల్ సమాచారాన్ని  ప్రారంభించిన  రంగారెడ్డి జిల్లా కలెక్టర్ సి నారాయణ రెడ్డి.శుక్రవారం  పట్టణ భూ గరిష్ట పరిమితి చట్టము, రంగారెడ్డి జిల్లా కార్యాలయము యొక్క కోర్టు కేసుల వివరములకు సంబంధించిన ఆన్లైన్ పోర్టల్ సమాచారాన్ని  జిల్లా కలెక్టర్ సి నారాయణ రెడ్డి , రంగా రెడ్డి జిల్లా కలెక్టర్ కార్యాలయంలో ప్రారంభించినారు.ఈ ఆన్ లైన్ పోర్టల్ ద్వారా రంగారెడ్డి పట్టణ భూ పరిమితి చట్టం కు సంబందించిన అన్ని కోర్టు వివాదాల వివరాలను ఆన్ లైన్ లో అందుబాటులోకి తెచ్చారు. దీనివలన కోర్టు వివాదములకు చెందిన సమగ్ర సమాచారం అనగా కోర్టు కేసు వారీగా కక్షిదారుల సమాచారం, సర్వే నంబర్, గ్రామం, కేసు పూర్వాపరాలు, కేసు ప్రస్తుత స్థితి, కేసు వాయిదాల సమాచారం కలెక్టర్ కి పూర్తిగా అందుబాటులో ఉంటాయి.

దీనివలన, కలెక్టర్ కి కోర్టు కేసులు వివాదములలో పూర్తి స్థాయిలో పర్యవేక్షణకు, తన క్రింది అధికారులకు తక్షణ ఆదేశాలు, సూచనలు జారీ చేయడానికి పూర్తి ఆస్కారం ఉంటుంది. ఈ పోర్టల్ ద్వారా మరుసటి రోజు వాయిదా ఉన్న కోర్టు కేసుల వివరములు కూడా అందుబాటులో ఉండి తక్షణ చర్యలు తీసుకోవడానికి అవకాశం ఉంటుంది. అలాగే ఎలాంటి జాప్యానికి / నిర్లక్ష్యానికి తావు లేకుండా అర్బన్ ల్యాండ్ సీలింగ్ కేసుల విషయంలో సంబంధిత అధికారులు అప్రమత్తంగా ఉండడానికి ఈ  "ECourt-ULC RR" సహాయపడుతుంది.