యూపీలో ఘోర బస్సు ప్రమాదం.. 18 మంది మృతి
డైలీ భారత్, ఉత్తర ప్రదేశ్: యూపీలోని ఉన్నావ్లో ఘోర రోడ్డు ప్రమాదం చోటు చేసుకుంది. లక్నో-ఆగ్రా హైవేపై మిల్క్ ట్యాంకర్ను డబుల్ డెక్కర్ స్లీపర్ బస్సు ఢీకొన్న ఘటనలో 18 మంది మరణించారు. మరో 30 మందికి పైగా గాయపడగా చికిత్స కోసం స్థానిక ఆసుపత్రికి తరలించినట్లు పోలీసులు తెలిపారు. బస్సు బిహార్ నుంచి ఢిల్లీ వెళ్తుందని పేర్కొన్నారు. ప్రమాద తీవ్రతకు మృతదేహాలు రోడ్డుపై చెల్లాచెదురుగా పడిపోయాయి.
