డైలీ భారత్, మహబూబాబాద్: శుక్రవారం జిల్లా కలెక్టరేట్లోని కాన్ఫరెన్స్ సమావేశ మందిరంలో స్థానిక సంస్థల అదనపు కలెక్టర్ లెనిన్ వత్సల్ టొప్పో తో కలిసి జిల్లా వైద్య ఆరోగ్యశాఖ, విద్యాశాఖ, సంక్షేమ శాఖ అధికారులతో  కలెక్టర్ సమీక్ష సమావేశం నిర్వహించారు.

ఈ సందర్భంగా కలెక్టర్ మాట్లాడుతూ ఈనెల 20వ తేదీన నిర్వహించనున్న జాతీయ నులిపురుగుల  నిర్మూలన దినోత్సవాన్ని వైద్య ఆరోగ్య విద్యాశాఖ అధికారుల సమన్వయంతో పనిచేసి విజయవంతంగా నిర్వహించాలని అన్నారు. 20వ తేదీన ఏదైనా కారణాలతో మిగిలిపోయిన చిన్నారులకు 27వ తేదీన మాపప్ డే రోజున వేయించాలని సూచించారు.

కార్యక్రమంలో జిల్లా వైద్య ఆరోగ్యశాఖ అధికారి  డాక్టర్ బి కళావతి భాయి మాట్లాడుతూ 1-19  పిల్లలకు మాత్రలు వేయబడుతుందని, ఒక సంవత్సరం నుండి రెండు సంవత్సరంలో పిల్లలకి  సగం మాత్ర, రెండు నుంచి 19 సంవత్సరాలు పిల్లలందరికీ పూర్తి మాత్రగా డోస్ ఇవ్వబడుతుందని, ఇది నమిలి మింగాలని, ఎట్టి పరిస్థితుల్లో పిల్లలు మాత్రలను ఇంటికి తీసుకెళ్లకుండా తగిన జాగ్రత్తలు తీసుకోవాలని అన్నారు.  

ఈ కార్యక్రమంలో జెడ్. పి డిప్యూటీ సీఈఓ నర్మద, జిల్లావైద్యారోగ్యశాఖ అధికారి డాక్టర్ బి కళావతి భాయి,  డాక్టర్ అంబరీష్, డిప్యూటీ డిఎం హెచ్ ఓ, ప్రోగ్రామ్ ఆఫీసర్స్, జిల్లా వైద్య విద్యా సంక్షేమ శాఖల అధికారులు పాల్గొన్నారు.