డైలీ భారత్, వేములవాడ: శ్రీ రాజరాజేశ్వర స్వామి దేవాలయానికి వచ్చే భక్తులను "తాడు ఆట" పేరుతో మోసం చేస్తున్న ఇద్దరు వ్యక్తులను వేములవాడ టౌన్ పోలీసులు అరెస్ట్ చేసి రిమాండ్‌కు పంపారు.
వేములవాడ టౌన్ ఎస్.ఐ వీరప్రసాద్ తెలిపిన వివరాల ప్రకారం, హనుమకొండ జిల్లాకు చెందిన రాయపురం సురేందర్, 42, ఆటో డ్రైవర్, ఐనవోలు మండలం మరియు పల్లకొండ దేవేందర్, 33, మిల్లర్ ఆపరేటర్, ఆత్మకూరు మండలం అనే ఇద్దరూ కలిసి వేములవాడ ఆలయ పరిసరాల్లో తాడు ఆట నిర్వహిస్తూ అమాయక భక్తుల వద్ద డబ్బు దండుకుంటున్నారు.
సమాచారం అందుకున్న పోలీసులు నిఘా పెట్టి, ఆట నిర్వహిస్తున్న సమయంలో దాడి చేసి ఇద్దరినీ పట్టుకున్నారు. వారి వద్ద నుంచి తాడు ఆట సామగ్రి, అప్సర పెన్సిళ్లు మరియు నగదు రూ. 2,000 లను స్వాధీనం చేసుకున్నారు.
ఇద్దరిపై కేసు నమోదు చేసి కోర్టులో హాజరుపరిచి రిమాండ్‌కు తరలించినట్లు ఎస్.ఐ వెల్లడించారు.
ఆలయానికి వచ్చే భక్తులు ఎవరి మాటలు నమ్మి మోసపోవద్దని, జూదం లాంటి అక్రమ కార్యకలాపాలు కనిపిస్తే వెంటనే పోలీసులకు సమాచారం ఇవ్వాలని ఆయన కోరారు. సమాచారం ఇచ్చిన వారి పేర్లు గోప్యంగా ఉంచుతామని స్పష్టం చేశారు.
Rajanna Sircilla News, Vemulawada News, Taadu Aata, Telangana Crime News
