ఖమ్మం ఎండోమెంట్ సహాయ కమిషనర్‌కు వినతిపత్రం అందజేసిన  మదిశెట్టి సామేలు 

డైలీ భారత్, ఖమ్మం: ఖమ్మం జిల్లా ఎండోమెంట్ సహాయ కమిషనర్‌ను కలిసి 34 మండలాలకు చెందిన గిరిజన శివశక్తుల పూజారుల సమస్యలను వెంటనే పరిష్కరించాలని కోరుతూ వినతిపత్రం సమర్పించారు.

ఈ సందర్భంగా జాతీయ ఎస్టీ కమిషన్, తెలంగాణ రాష్ట్ర ఎస్సీ/ఎస్టీ కమిషన్, తెలంగాణ రాష్ట్ర గిరిజన సంక్షేమ కమిషన్ మరియు ఎండోమెంట్ శాఖ జారీ చేసిన ఆదేశాలు, మార్గదర్శకాలను వెంటనే అమలు చేయాలని విజ్ఞప్తి చేశారుఅదేవిధంగా దీప–ధూప–నైవేద్య పథకం కింద ప్రతి గిరిజన శివశక్తుల పూజారికి ప్రతి నెల రూ.10,000 గౌరవ వేతనం మంజూరు చేయాలని, ఆలయాల అభివృద్ధికి ప్రత్యేక నిధులు కేటాయించాలని, ఆలయాల నిర్వహణకు అవసరమైన సౌకర్యాలను కల్పించాలని కోరారు.

గిరిజన ప్రాంతాల్లో సేవలందిస్తున్న శివశక్తుల పూజారులకు ప్రభుత్వం తగిన గుర్తింపు ఇవ్వడంతో పాటు, వారి జీవనోపాధికి భరోసా కల్పించే విధంగా సంక్షేమ పథకాలు అమలు చేయాలని డా. మద్దిశెట్టి సామేలు డిమాండ్ చేశారు.ఈ కార్యక్రమంలో పుట్టబంతి హరిబాబు, బానోతు శీను నాయక్, కొట్టే కృష్ణ, మచ్చ గిరి, కామేపల్లి నుండి సురేష్ నాయక్, అశోక్ నాయక్, కుసుమంచి మండలం నుండి మధుకర్ రెడ్డి, మల్లయ్య తదితరులు పాల్గొని గిరిజన శివశక్తుల పూజారుల సమస్యలను ప్రభుత్వం అత్యవసరంగా పరిష్కరించాలని కోరారు. ఈ కార్యక్రమంలో తదితరులు పాల్గొన్నారు