గోల్కొండ పోలీస్ స్టేషన్ పరిధిలో ఇటీవల జరిగిన హత్య కేసును ఛేదించిన నలుగురు (04) నిందితుల అరెస్ట్. జ్యుడీషియల్ రిమాండ్.

డైలీ భారత్, హైదరాబాద్: గోల్కొండ పోలీస్ స్టేషన్‌లో క్రైమ్ నంబర్ 229/2026 కింద, భారతీయ న్యాయ సంహిత (BNS) సెక్షన్లు 103(1), 329(4), 118(1) r/w 3(5) మరియు ఆర్మ్స్ యాక్ట్ 1959 లోని సెక్షన్ 25(1A) ప్రకారం ఈ కేసు నమోదైంది. ఎలక్ట్రీషియన్‌గా పనిచేసే షేక్ మహబూబ్ అలియాస్ మసూద్ చండి (వయస్సు: 26 సంవత్సరాలు, నివాసం: ఇం.నెం. 9-8-50, కుమార్వాడి, గోల్కొండ) అనే యువకుడు ఈ దారుణ హత్యకు గురయ్యాడు.

తేదీ 12.06.2026 నాడు సాయంత్రం 18:00 గంటలకు, మృతుడి తండ్రి అయిన షేక్ ఇస్మాయిల్ (తండ్రి: దివంగత అబ్దుల్ కరీం, వయస్సు: 68 సంవత్సరాలు, వృత్తి: ఆటో డ్రైవర్, నివాసం: ఇం.నెం. 9-8-50, కుమార్వాడి, గోల్కొండ, ఫోన్: 9160591402) పోలీసులకు  ఫిర్యాదు చేశారు.  ఆ ఫిర్యాదులోని ముఖ్యాంశాల ప్రకారం... ఫిర్యాదుదారుడి కుమారుడైన షేక్ మహబూబ్ అలియాస్ మసూద్ చండి, రుక్షార్ బేగమ్‌ను జనవరి 2025లో ప్రేమ వివాహం చేసుకున్నాడు. ఈ ప్రేమ వివాహం రుక్షార్ సోదరుడైన షేక్ జాహెద్ అలియాస్ సోహైల్‌కు అస్సలు ఇష్టం లేదు. ఈ వివాహం కారణంగా షేక్ జాహెద్ మనసులో మృతుడిపై తీవ్రమైన పగ, ద్వేషం పెంచుకున్నాడు. ఈ క్రమంలోనే తరచూ మృతుడితో గొడవలకు దిగేవాడు. గత ఏడాది డిసెంబర్ నెలలో మృతుడికి ఒక కుమారుడు జన్మించాడు.

ఇలాంటి పరిస్థితుల్లో, గత సోమవారం నాడు షేక్ జాహెద్ తన తల్లి షమీమ్ బేగమ్, సోదరి రూబీలతో కలిసి కుమార్వాడిలోని మృతుడి ఇంటికి వచ్చి గొడవ పడ్డాడు. రుక్షార్‌ను బలవంతంగా తమ ఇంటికి తీసుకువెళ్తూ... తన సోదరిని మసూద్ చండితో బతకనివ్వనని, వారిద్దరికీ విడాకులు ఇప్పిస్తానని హెచ్చరించాడు.ఈ గొడవల కొనసాగింపుగా, తేదీ 12.06.2026 నాడు మధ్యాహ్నం సుమారు 15:00 గంటల సమయంలో, షేక్ జాహెద్ అలియాస్ సోహైల్ తన బంధువులైన (Cousin brothers) జీషన్ నవాబ్ అలియాస్ జాబర్, అమీర్ నవాబ్ అలియాస్ లడ్డు మరియు జాబర్ తల్లి నఫీజ్ సుల్తానాలతో కలిసి ఇనుప రాడ్లు, కత్తి, కర్రలతో కుమార్వాడిలోని మృతుడి ఇంటిలోకి (ఇం.నెం. 9-8-50) బలవంతంగా చొరబడ్డారు. అక్కడ ఉన్న షేక్ మహబూబ్ అలియాస్ మసూద్ చండిపై ఒక్కసారిగా దాడికి తెగబడ్డారు.ఫిర్యాదుదారుడు మరియు అతని కుటుంబ సభ్యులు వారిని అడ్డుకోవడానికి ప్రయత్నించినప్పటికీ, నిందితులు వినకుండా వారిని పక్కకు తోసివేశారు. మొదట షేక్ జాహెద్ అలియాస్ సోహైల్ ఇనుప రాడ్‌తో మృతుడి తలపై బలంగా కొట్టగా, జాబర్ కత్తితో తలపై మరియు శరీరంలోని ఇతర భాగాలపై విచక్షణారహితంగా పొడిచాడు. అదే సమయంలో లడ్డు, అతని తల్లి నఫీజ్ సుల్తానా కలిసి కర్రలతో మృతుడి శరీరంపై తీవ్రంగా కొట్టారు. ఈ ఘోర దాడి కారణంగా తీవ్ర గాయాలైన షేక్ మహబూబ్ రక్తపు మడుగులో అక్కడికక్కడే ప్రాణాలు కోల్పోయాడు. అడ్డువచ్చిన ఫిర్యాదుదారుడిపై కూడా దాడి చేయడంతో అతని కుడిచేతికి, కుడి చెంపపై రక్తగాయాలయ్యాయి. ఈ ఘాతుకానికి ఒడిగట్టిన వారిపై చట్టపరంగా కఠిన చర్యలు తీసుకోవాలని తండ్రి పోలీసులను కోరారు.

నిందితుల వివరాలు:

1. షేక్ జాహెద్ అలియాస్ సోహైల్ (తండ్రి: షేక్ అహ్మద్, వయస్సు: 28 సంవత్సరాలు). వృత్తి: ప్రైవేట్ ఉద్యోగి మరియు అంబేద్కర్ ఓపెన్ యూనివర్సిటీలో బి.ఎ (BA) మూడవ సంవత్సరం విద్యార్థి. నివాసం: కుమ్మరవాడి, ప్రభుత్వ ఆసుపత్రి సమీపంలో, గోల్కొండ, హైదరాబాద్.

2. జీషన్ నవాబ్ అలియాస్ జాబర్ (తండ్రి: షేక్ హైదరా, వయస్సు: 30 సంవత్సరాలు). వృత్తి: పాలు పంపిణీ చేసే వ్యక్తి (మిల్క్ డెలివరీ బాయ్). నివాసం: కుమ్మరవాడి, ప్రభుత్వ ఆసుపత్రి సమీపంలో, గోల్కొండ, హైదరాబాద్.

3. ఆమెర్ నవాబ్ అలియాస్ లడ్డు (తండ్రి: షేక్ హైదర్, వయస్సు: 26 సంవత్సరాలు). వృత్తి: టైల్స్ వర్క్. నివాసం: కుమ్మరవాడి, ప్రభుత్వ ఆసుపత్రి సమీపంలో, గోల్కొండ, హైదరాబాద్.

4. నఫీజ్ సుల్తానా (భర్త: 1వ భర్త షేక్ హైదర్, 2వ భర్త బురాన్ ఖాన్, వయస్సు: 48 సంవత్సరాలు). వృత్తి: క్యాటరింగ్. నివాసం: కుమ్మరవాడి, ప్రభుత్వ ఆసుపత్రి సమీపంలో, గోల్కొండ, హైదరాబాద్.