మున్సిపల్ ఎన్నికల ప్రక్రియను పరిశీలించిన అడిషనల్ కలెక్టర్ శ్రీనివాస్

డైలీ భారత్, రంగారెడ్డి జిల్లా: మున్సిపల్ ఎన్నికల ప్రక్రియ ఎలాంటి ఇబ్బందులు లేకుండా ప్రశాంతంగా ముగించాలని అడిషనల్ కలెక్టర్ శ్రీనివాస్ అన్నారు. షాద్ నగర్ మున్సిపల్ కార్యాలయంలో మున్సిపల్ ఎన్నికలను పురస్కరించుకొని ఇక్కడి హెల్ప్ డెస్క్, నామినేషన్ సెంటర్లను ఆయన పరిశీలించారు. ఈ సందర్భంగా ఎన్నికల ప్రక్రియ నిర్వహిస్తున్న తీరును మున్సిపల్ కమిషనర్, ఎన్నికల అథారిటీ అధికారి సునీత రెడ్డిను అడిగి తెలుసుకున్నారు. అనంతరం మాట్లాడుతూ ఈసీ నిబంధనలోనూ అనుసరిస్తూ ఎన్నికల ప్రక్రియలో ఎలాంటి అవాంతరాలు లేకుండా చూసుకోవాలని తెలిపారు. నామినేషన్ల ప్రక్రియ మొదలుకొని స్క్రూట్ ని, ఉపసంహరణ వరకు అధికారులు ప్రతి విషయంలో అప్రమత్తంగా ఉండాలన్నారు. ఏసీపీ లక్ష్మీనారాయణ, ఎన్నికల సిబ్బంది తదితరులు ఆయన వెంట ఉన్నారు..