ఫిర్యాదుల కోసం కంట్రోల్‌ రూం నెంబర్ 9849906949 ఏర్పాటు : జిల్లా ఎన్నికల అధికారి సి.నారాయణ రెడ్డి

డైలీ భారత్, రంగారెడ్డి జిల్లా: రంగారెడ్డి జిల్లా సమీకృత జిల్లా కార్యాలయాల సముదాయంలో ఏర్పాటు చేసిన Media Cell, మీడియా సెల్,కంప్లైంట్, ఎంసిఓసి మరియు గ్రీవెన్స్ సెల్ ను బుధవారం జిల్లా ఎన్నికల అధికారి,కలెక్టర్ సి.నారాయణ రెడ్డి ప్రారంభించారు.ఈ సందర్బంగా కలెక్టర్ మాట్లాడుతూ మున్సిపల్ ఎన్నికల నిర్వహణలో భాగంగా జిల్లాలోని సమీకృత జిల్లా కార్యాలయాల సముదాయం, కొంగరకాలన్ నందు కంట్రోల్ రూమ్ నెంబర్ – 9849906949 ను ఏర్పాటు చేయడం జరిగిందని, ఎన్నికల సంబంధించిన సమాచారం, ఎన్నికల ప్రవర్తన నియమావళి ఉల్లంఘన పై ఫిర్యాదుల కొరకు సంప్రదించవచ్చని, ఈ కంట్రోల్ రూమ్ లో (24) గంటలు సిబ్బంది అందుబాటులో ఉంటారని, రిజిష్టర్ ఏర్పాటు చేసి వచ్చిన పిర్యాదులను రికార్డ్ చేస్తూ నమోదు చేయడం జరుగుతుందని తెలిపారు. జిల్లా ప్రజలు మున్సిపల్ ఎన్నికలు-2026కు సంబంధించి ఫిర్యాదులకై ఈ టోల్ ఫ్రీ నెంబర్ సంప్రదించాలని, జిల్లాలో ప్రశాంత వాతావరణంలో ఎన్నికలు నిర్వహించేందుకు ఎన్నికల సంఘం నిబంధనల ప్రకారం అధికారుల సమన్వయంతో చర్యలు తీసుకోవడం జరుగుతుందని జిల్లా ఎన్నికల అధికారి, కలెక్టర్ సి.నారాయణ రెడ్డి  కోరారు.