సుజాతనగర్ ప్రభుత్వ ఉన్నత పాఠశాలలో కొత్తగూడెం సబ్ డివిజన్ పోలీసుల ఆధ్వర్యంలో Arrive-Alive కార్యక్రమం ప్రారంభోత్సవం
జిల్లా వ్యాప్తంగా పది రోజుల పాటు రోడ్డు భద్రతపై అవగాహనా కార్యక్రమాలు బూర్గంపాడు ఎస్ఐ మెడ ప్రసాద్
డైలీ భారత్, భద్రాద్రి కొత్తగూడెం: రోడ్డు ప్రమాదాలను నియంత్రించడానికి ప్రజలకు అవగాహన కల్పించడానికి తెలంగాణ రాష్ట్ర ప్రభుత్వం ప్రతిష్టాత్మకంగా తీసుకొచ్చిన కార్యక్రమం *Arrive-Alive 2026* లో భాగంగా బూర్గంపహాడ్ గ్రామపంచాయతీ నందు ఈ కార్యక్రమం నిర్వహించడం జరిగింది. ఈ కార్యక్రమంలో బూర్గంపహాడ్ గ్రామానికి చెందిన ఉప సర్పంచ్, గ్రామ పెద్దలు, ఆటో డ్రైవర్లు, ట్రాక్టర్ డ్రైవర్లు మరియు యువత పాల్గొన్నారు.ఈ సందర్భంగా వారికి హెల్మెట్ వినియోగం, సీటు బెల్ట్ ప్రాధాన్యత, గోల్డెన్ అవర్ , డిఫెన్సివ్ డ్రైవింగ్ నియమాల గురించి వివరించడం జరిగింది.
రోడ్డు భద్రతా నియమాలను పాటించడంలో స్వీయ క్రమశిక్షణ కలిగి ఉంటే చాలావరకు రోడ్డు ప్రమాదాలను అరికట్టవచ్చని, రోడ్డుపై విధులలో పోలీసులు ఉన్నా,లేకపోయినా వాహనాలను నడిపేటప్పుడు నియమ,నిబంధనలను ప్రతి ఒక్కరూ కచ్చితంగా పాటించాలని, రోడ్డు ప్రమాదాల నివారణకు ట్రాఫిక్ నిబంధనలను గౌరవించి తమ ప్రాణ భద్రతతో పాటు,ఇతరుల భద్రతకు కూడా సహకరించాలని, డ్రంక్ అండ్ డ్రైవ్,ర్యాష్ డ్రైవింగ్,సెల్‌ఫోన్ డ్రైవింగ్,రాంగ్ రూట్,సిగ్నల్ జంపింగ్,ఓవర్ లోడ్ వలన కలిగే ప్రమాదాల గురించి వివరించడం జరిగింది.
