నవిపేట జ్యువలరీ దుకాణంలో భారీ దొంగతనం

20 లక్షల విలువ చేసే  బంగారు, వెండి ఆభరణాలు అపహరణ

 డైలీ భారత్ న్యూస్, నిజామాబాద్: నవీపేట్ మండల కేంద్రంలోని బంగారు దుకాణంలో  భారీ చోరీ జరిగింది. ఈ చోరీలో దాదాపు  20 లక్షల రూపాయల విలువ చేసే  బంగారం, వెండి ఆభరణాలను దొంగలు ఎత్తుకెళ్లారు. ఈ సంఘటన ఆదివారం అర్ధరాత్రి తర్వాత చోటు చేసుకున్నట్లు తెలుస్తోంది. నవీపేట్ మండల కేంద్రంలోని  వైష్ణవి జువెలరీ షాప్ సెట్టర్ ను దొంగలు గ్యాస్ కట్టర్ తో ధ్వంసం చేసి లోనికి చొరబడ్డారు. అందులో ఉన్న బంగారం తో పాటు, వెండి ఆభరణాలను ఎత్తుకెళ్లారు. సోమవారం ఉదయం షాప్ యజమాని  అక్కడికి చేరుకోగా  సెట్టర్ ధ్వంసం చేసి ఉండడంతో చోరీ  జరిగినట్లు భావించి వెంటనే నవీపేట్ పోలీసులకు సమాచారం అందించారు. నవీపేట్ ఎస్సై సంఘటన స్థలానికి చేరుకొని చోరీ జరిగిన తీరును పరిశీలించారు. క్లూస్ టీమ్ ను రప్పించి  చోరీకి పాల్పడ్డ వారి వేలిముద్రలు సేకరించారు. పోరుగునే ఉన్న మహారాష్ట్రకు చెందిన  దొంగల గ్యాంగ్ గా  పోలీసులు అనుమానించి ఆ దిశగా దర్యాప్తు చేపట్టారు.