శ్రీరామ్ సాగర్ ప్రాజెక్టు 25 గేట్లను ఎత్తివేసిన అధికారులు.. లక్ష క్యూసెక్కుల నీరు దిగువకు విడుదల

డైలీ భారత్, న్యూస్ నిజామాబాద్:శ్రీరామ్ సాగర్ ప్రాజెక్ట్ కి వరద నీరు పోటెత్తడంతో మొత్తం 25 వరద గేట్లను అధికారులు తెరిచారు. బుధవారం ఉదయం 10 గంటలకు 8 గేట్లు ఓపెన్ చేసిన అధికారులు మధ్యాహ్నం 12 గంటలకు మరో 9 గేట్లు ఓపెన్ చేసిన సంగతి తెలిసిందే. 25 గేట్ల ద్వారా లక్ష క్యూసెక్కుల నీటిని దిగువకు వదులుతున్నారు. ప్రాజెక్టుకు ఎగువ నుంచి ఇన్ ఫ్లోగా 50 వేల క్యూసెక్కుల నీరు వస్తుండగా వివిధ మార్గాల ద్వారా 1,30,392 క్యూసెక్కుల నీరు వదులుతున్నారు.