డైలీ భారత్, హైదరాబాద్:తెలంగాణ ప్రభుత్వం భారీ పోలీస్ ప్రక్షాళన చేపట్టింది. ఏకంగా 21 మంది IPS అధికారులను బదిలీ చేస్తూ ఉత్తర్వులు జారీ చేసింది. సీనియర్ IPS అధికారి మహేష్ మురళీధర్ భగవత్‌ను నూతన హైదరాబాద్ పోలీస్ కమిషనర్‌గా నియమించింది. ఇప్పటివరకు సీపీగా ఉన్న వి.సి. సజ్జనార్‌ను తెలంగాణ ఫైర్, డిజాస్టర్ రెస్పాన్స్, ఎమర్జెన్సీ మరియు సివిల్ డిఫెన్స్ డైరెక్టర్ జనరల్‌గా నియమించారు. ఆయనకు స్పెషల్ ప్రొటెక్షన్ ఫోర్స్ (SPF) అదనపు బాధ్యతలు కూడా అప్పగించారు.
కీలక నియామకాలు:
డాక్టర్ సౌమ్య మిశ్రా: ప్రిజన్స్ డీజీ నుండి DGP, మహిళా భద్రత, SHE టీమ్స్ మరియు భరోసా బాధ్యతలు. అదనంగా DGP, ఆర్గనైజేషన్ మరియు DGP (లీగల్) బాధ్యతలు.
స్వాతి లక్రా (1995 బ్యాచ్): ప్రిజన్స్ మరియు కరెక్షనల్ సర్వీసెస్ డైరెక్టర్ జనరల్. హోం గార్డ్స్ పర్యవేక్షణ కూడా.
చారు సిన్హా: ACB డైరెక్టర్ జనరల్. అదనంగా DGP, CID బాధ్యతలు కొనసాగింపు.
డాక్టర్ అనిల్ కుమార్: TGSRTC వైస్ చైర్మన్ మరియు మేనేజింగ్ డైరెక్టర్.
- వై. నాగి రెడ్డి: సివిల్ సప్లైస్ కమిషనర్ మరియు కన్స్యూమర్ అఫైర్స్, ఫుడ్ & సివిల్ సప్లైస్ శాఖ ప్రిన్సిపల్ సెక్రటరీ.
- విక్రమ్ సింగ్ మన్: DGP (ఆపరేషన్స్), గ్రేహౌండ్స్ మరియు ఆక్టోపస్.
- ఎం. స్టీఫెన్ రవీంద్ర (1999 బ్యాచ్): తెలంగాణ ట్రాఫిక్ మేనేజ్‌మెంట్, రోడ్ అండ్ రైల్ సేఫ్టీ బ్యూరో (TG-TMARS) చీఫ్.
- అకున్ సభర్వాల్: ADGP (లా అండ్ ఆర్డర్)
- ఎస్. చంద్రశేఖర్ రెడ్డి: డైరెక్టర్, ACB
- కార్తికేయ: IG, మల్టీ జోన్-I
- కె. రమేష్ నాయుడు: IG, రైల్వేస్
- డి. జోయెల్ డేవిస్: జాయింట్ డైరెక్టర్, రోడ్ సేఫ్టీ మరియు జాయింట్ డైరెక్టర్, ట్రాఫిక్, TG-TMARS. అదనంగా హైదరాబాద్ ట్రాఫిక్ జాయింట్ కమిషనర్ బాధ్యతలు.
జి. చందన దీప్తి, ఆర్. భాస్కరన్, కె. నారాయణ నాయక్, ఎల్.ఎస్. చౌహాన్‌లకు కూడా కొత్త బాధ్యతలు అప్పగించారు. శ్రీ బాలా దేవిని డిప్యూటీ డైరెక్టర్ (అడ్మినిస్ట్రేషన్), TG-TMARS గా, వి. అరవింద బాబును DCP, SM&IT, హైదరాబాద్ సిటీగా నియమించారు.
సిటీ పోలీసింగ్, లా అండ్ ఆర్డర్, క్రైమ్ ఇన్వెస్టిగేషన్, మహిళా భద్రత, రవాణా, సివిల్ సప్లైస్ మరియు స్పెషలైజ్డ్ పోలీస్ యూనిట్లలో ఈ భారీ మార్పులు చోటుచేసుకున్నాయి.
#DailyBharath #Hyderabad #Telangana #IPSTransfers #MaheshBhagwat #VCSajjanar #HyderabadPolice
