డైలీ భారత్, కోల్కతా: పశ్చిమ బెంగాల్ రాజధాని కోల్కతాలో శనివారం (అక్టోబర్ 17, 2026) సాయంత్రం 7:40 గంటలకు తీవ్ర విషాదం చోటుచేసుకుంది. ఉత్తర కోల్కతాలోని ప్రసిద్ధ చోర్బగాన్ సర్వజనీన్ పూజా పండల్ (గిరీష్ పార్క్ పోలీస్ స్టేషన్ పరిధి) ఎగ్జిట్ గేట్ వద్ద జరిగిన తొక్కిసలాటలో 17 మంది మృతి చెందినట్లు భయాందోళనలు వ్యక్తమవుతున్నాయి.
మహాసప్తమి సందర్భంగా వేలాది మంది భక్తులు పండల్కు వచ్చారు. ఒక్కసారిగా భారీ వర్షం, మెరుపులు రావడంతో బయట వేచి ఉన్న జనం లోపలికి దూసుకురావడానికి ప్రయత్నించారు. ఆ సమయంలో ఎగ్జిట్ గేట్ వద్ద రద్దీ, తోపులాట ఏర్పడి కొందరు కిందపడటంతో తొక్కిసలాట జరిగినట్లు కోల్కతా పోలీసులు తెలిపారు. 6cd2
పోలీసుల అధికారిక ప్రకటన:
"ఈరోజు 19:40 గంటలకు సరదా పార్క్ (చోర్ బగాన్) పూజా పండల్ ఎగ్జిట్ గేట్ వద్ద భారీ రద్దీ కారణంగా తొక్కిసలాట జరిగింది. గాయపడిన వారందరినీ రక్షించి MCH (మెడికల్ కాలేజ్ హాస్పిటల్) కు తరలించాము. ఇప్పటివరకు సుమారు 35 మందిని MCH కు తరలించాము" అని కోల్కతా పోలీసులు ప్రకటించారు. పండల్ను ప్రస్తుతం పూర్తిగా మూసివేశారు.
సహాయక చర్యలు:
ఘటనా స్థలానికి కంట్రోల్ రూమ్ సిబ్బంది, ఫైర్ బ్రిగేడ్, విపత్తు నిర్వహణ బృందం (DMG), అంబులెన్సులు, మెడికల్ టీమ్లు చేరుకున్నాయి.
గాయపడిన వారిలో 13 మంది మహిళలు, ఒక చిన్నారి ఉన్నట్లు తెలుస్తుంది , క్షతగాత్రులను కలకత్తా మెడికల్ కాలేజీకి తరలించారు.
ప్రభుత్వం స్పందన:
పశ్చిమ బెంగాల్ ముఖ్యమంత్రి సువేందు అధికారి, ఆరోగ్య మంత్రి శరద్వత్ ముఖర్జీ, చీఫ్ సెక్రటరీ మనోజ్ అగర్వాల్ వెంటనే ఆస్పత్రికి చేరుకుని బాధితులకు మెరుగైన వైద్యం అందించాలని ఆదేశించారు. మాజీ సీఎం మమతా బెనర్జీ, టీఎంసీ నేత కునాల్ ఘోష్ దిగ్భ్రాంతి వ్యక్తం చేశారు.
బాధితుల సమాచారం కోసం ప్రభుత్వం టోల్ ఫ్రీ హెల్ప్లైన్ నంబర్ 18003455678 ను విడుదల చేసింది. 6cd2