డైలీ భారత్, సిరిసిల్ల: గత బీఆర్ఎస్ ప్రభుత్వ హయాంలోనే అవినీతి, అక్రమాలు జరిగాయని సిరిసిల్ల పట్టణ కాంగ్రెస్ అధ్యక్షుడు సూర దేవరాజు ఆరోపించారు.
సిరిసిల్ల ప్రెస్క్లబ్లో నిర్వహించిన మీడియా సమావేశంలో ఆయన మాట్లాడుతూ, ఎల్నినో ప్రభావంపై రైతులకు అవగాహన కల్పిస్తున్న కాంగ్రెస్ ప్రభుత్వంపై బీఆర్ఎస్ నాయకులు అనవసర విమర్శలు చేస్తున్నారని మండిపడ్డారు. గతంలో రైతులకు ముందస్తు అవగాహన కల్పించకపోవడం వల్లే నష్టాలు ఎదురయ్యాయని విమర్శించారు.
కాళేశ్వరం, సెస్ అక్రమాలపై విమర్శలు:
కాళేశ్వరం ప్రాజెక్టులో అవినీతి, నాణ్యతా లోపాలపై విచారణకు కాంగ్రెస్ ప్రభుత్వం ఆదేశించిందని, ప్రాజెక్టు పునరుద్ధరణకు చర్యలు తీసుకుంటోందని తెలిపారు. రైతులు పండించిన ధాన్యానికి మద్దతు ధరతో పాటు క్వింటాలుకు రూ.500 బోనస్ అందిస్తున్నామని పేర్కొన్నారు.
సిరిసిల్ల సెస్ పరిధిలో 2014–2022 మధ్య రూ.94 కోట్ల నిధుల దుర్వినియోగం జరిగినట్లు ప్రభుత్వ ఆడిట్ నివేదికలో వెల్లడైందని ఆరోపించారు. రైతులకు మెరుగైన విద్యుత్ సేవలు అందించేందుకే సెస్ను ఎన్పీడీసీఎల్లో విలీనం చేసినట్లు వివరించారు.
రైతుల సమస్యలపై రాజకీయాలు చేయడం మానుకోవాలని బీఆర్ఎస్ నాయకులకు సూచించారు.
ఈ సమావేశంలో ఎస్సీ సెల్ రాష్ట్ర నాయకుడు ఆకునూరి బాలరాజు, పట్టణ ఉపాధ్యక్షుడు బొప్ప దేవయ్య, ప్రధాన కార్యదర్శులు గాజుల నరేష్, వెంగళ అశోక్, మాజీ పట్టణ అధ్యక్షుడు పత్తిపాక లక్ష్మీరాజు, జిల్లా ప్రధాన కార్యదర్శి రాగుల జగన్ తదితరులు పాల్గొన్నారు.