డైలీ భారత్, రాజన్న సిరిసిల్ల: రాజన్న సిరిసిల్ల జిల్లా కేంద్రంలోని శ్రీనగర్ కాలనీలో కొండచిలువల బెడద తీవ్రమైంది. రోడ్లపైనే కాకుండా నేరుగా ఇళ్లలోకి కొండచిలువలు ప్రవేశిస్తుండటంతో కాలనీవాసులు తీవ్ర భయాందోళనకు గురవుతున్నారు.
గత కొద్ది రోజులుగా కాలనీ పరిసరాల్లో కొండచిలువలు సంచరిస్తున్నాయని, ఇప్పుడు ఏకంగా ఇళ్లలోకి, వంట గదుల్లోకి, పెరట్లోకి వస్తున్నాయని స్థానికులు ఆందోళన వ్యక్తం చేస్తున్నారు. పిల్లలు, మహిళలు ఇళ్లలో ఉండాలంటేనే భయపడుతున్న పరిస్థితి నెలకొంది.
వెంటనే అటవీ శాఖ అధికారులు స్పందించి కొండచిలువలను పట్టుకుని అటవీ ప్రాంతంలోకి తరలించాలని, కాలనీవాసులకు రక్షణ కల్పించాలని కాలనీవాసులు విజ్ఞప్తి చేస్తున్నారు.