డైలీ భారత్,కామారెడ్డి: శ్రీమాతా సేవ చారిటబుల్ ట్రస్ట్ ఆధ్వర్యంలో "నెలకొక మంచి పని – నారాయణ సేవ" కార్యక్రమంలో భాగంగా 10వ సేవా కార్యక్రమం నిర్వహించారు.
కామారెడ్డికి చెందిన టి. రశ్వంత్ B.Sc (Data Science) రెండో సంవత్సరం చదువుతున్నారు. 5 ఏళ్ల వయసులోనే తండ్రిని కోల్పోయిన రశ్వంత్ కుటుంబం ఆర్థిక ఇబ్బందులతో సతమతమవుతోంది. ప్రస్తుతం తల్లి ప్రైవేట్ కంపెనీలో పని చేస్తూ, మేనమామ సహకారంతో కుటుంబాన్ని నడుపుతున్నారు.
ఈ విషయం తెలుసుకున్న శ్రీమాతా సేవ కుటుంబ సభ్యులు ట్రస్ట్ దృష్టికి తీసుకురాగా, ట్రస్ట్ సభ్యులు వెంటనే స్పందించి రశ్వంత్ చదువు కొనసాగేందుకు ₹7,500/- ఆర్థిక సహాయం అందజేశారు.
ఈ కార్యక్రమంలో పట్నం శెట్టి శ్రీనివాస్, డా. పల్స హరీష్ గౌడ్, కోడిప్యాక సాయిరాం పాల్గొన్నారు.
ఈ సందర్భంగా ట్రస్ట్ ప్రతినిధులు మాట్లాడుతూ, "విద్యాదానం మహాదానం. ఇలాంటి ప్రతిభావంతులైన విద్యార్థులకు మన చిన్న సహాయం పెద్ద భవిష్యత్తునిస్తుంది. దాతలు ముందుకు రావాలని" విజ్ఞప్తి చేశారు.
#శ్రీమాతాసేవ #కామారెడ్డి #విద్యాదానం #డైలీభారత్
